اس مضمون میں جماعت اسلامی کی پاکستان دشمن دہشت گرد جماعتوں کی سرپرستی کے ناقابل تردید ثبوت فراہم کیے گئے ہیں جن میں سے اکثر پاکستانی اور بین الاقوامی اخبارات میں شایع ہو چکے ہیں اور بعض کی تصدیق پاکستان کے خفیہ اداروں نے بھی کی ہے – ہمارا مطالبہ ہے کہ پاکستان کی حکومت، اقوام متحدہ اور امریکہ، کینیڈا، برطانیه، بھارت اور دیگر ممالک کی حکومتیں فی الفور جماعت اسلامی پاکستان کو دہشت گرد جماعت قرار دے کر اس پر پابندی لگائیں، اس کے لیڈران کے غیر ملکی ویزے منسوخ کریں اور ان کے اثاثے ضبط کریں – اس طرح پاکستان اور دنیا بھر کو اسلام کے نام پر ہونے والی دہشت گردی کی لعنت سے چھٹکارا مل سکے گا

Jamaat-e-Islami and AlQaeda – Terrorism 2

Jamaat-e-Islami and AlQaeda – Terrorism 3

Jamaat-e-Islami and AlQaeda – Terrorism 5

اوپر دی گیی چند تصاویر میں جماعت اسلامی اور اس کی ذیلی تنظیموں کے طالبان اور القاعدہ دہشت گردوں کے ساتھ روابط کی تفصیل بیان کی گیی ہے – حال ہی میں ہونے والے ایک ڈرون حملے میں جماعت اسلامی کے ایک رکن کی ہلاکت کے بعد یہ بات کافی حد تک دنیا کے سامنے آ چکی ہے کہ دہشت گردوں کے ساتھ جماعت اسلامی کے روابط کوئی چھپا راز نہیں بلکہ ایک حقیقت کی طرح اب سب پہ عیاں ہو چکے ہیں – افغان فساد سے پہلے بھی جماعت اسلامی شدت پسندی کے حوالے سے ایک تاریخ رکھتی تھی لیکن ضیاء الحق کی مہربانیوں اور پاکستان اسٹیبلشمنٹ کی نظر کرم کے بعد تو جماعت اسلامی نے اگلے پچھلے سارے ریکارڈ ہی توڑڈالے – سپاہ صحابہ ، لشکر جھنگوی  ، حزب المجاہدین ، انصار امّہ ، جیش مجاہدین ، جیش محمد ، لشکر طیبہ ان تمام جہادی تنظیموں کے پیچھے جماعت اسلامی کی تخریبی سوچ ہی کار فرما ہے

 جماعت اسلامی کے دنیا بھر کی جہادی اور دہشت گرد تنظیموں سے روابط بھی کافی عرصے سے جاری ہیں لیکن پاکستانی میڈیا جماعت کے دہشت گردوں اور فتووں کے خوف سے اس بارے میں بات کرنے سے خوف زدہ رہتا ہے مگر پھر بھی کبھی کبھی البدر ، الشمس اور تھنڈر سکواڈ کا نام لے لیتا ہے – جماعت اسلامی کی تاریخ گواہ ہے کہ یہ جماعت کبھی بھی پر امن جد و جہد کی حامی نہیں رہی – اس جماعت نے ہمیشہ کھل کر دہشت گردوں کی سرپرستی اور حمایت کی یا خفیہ طور پہ ان سے مراسم رکھتے ہوے حمایت اور جہادی مہیا کرتی رہی

کراچی سے لے کر پشاور تک ہر تعلیمی ادارے میں جماعت اسلامی کے طلبہ ونگ اسلامی جمعیت طلبہ کی بد معاشی اور غنڈہ گردی کی گواہی نہ صرف باقی طلبہ دیتے ہیں بلکہ تعلیمی اداروں کی انتظامیہ بھی اس بات کی گواہ ہے – لڑائی جھگڑے ، دنگا فساد بلوے اور قتل تک کرنے میں جماعت اسلامی کے کارکنان اور جمعیت کے غنڈے اپنا کوئی ثانی نہیں رکھتے – طالبات سے بد تمیزی ان پہ فقرے کسنا ان کی کردار کشی اور ان کی تعلیم میں روڑے اٹکانا جماعت اسلامی جمعیت کے غنڈوں کا پسندیدہ مشغلہ ہے – یہ تعلیم یافتہ لوگوں سے اس حد تک نفرت کرتے ہیں کہ ن کی جماعت اور اداروں میں کوئی بھی تعلیم سے محبت کرنے والا طالب علم سکون سے نہیں رہ سکتا – بات بے بات لڑائی جھگڑے اور لوگوں کو لڑانا دھمکانا جمعیت کے غنڈوں کا خاصہ ہے – غرض کے جماعت اسلامی کلی طور پہ غنڈہ گردی اور بد معاشی کے اصولوں کہ تحت چلائی جانے والی ایک نام نہاد مذہبی و سیاسی جماعت ہے

جماعت اسلامی کے اس گھناونے کردار کے بارے میں معروف صحافی مرحوم عباس اطہر نے بھی قلم فرسائی فرمائی ہے – مرحوم عباس اطہر کی تحریر پیش خدمات ہے

 

جماعت اسلامی کے بارے میں تقریباً تمام غیر جانب دار اور زی شعور صحافی اور پاکستانی اسی قسم کے خیالات رکھتے ہیں مگر ان میں سے بہت کم ایسے ہیں جو کھل کر اس بارے میں کچھ کہتے ہیں – جماعت اسلامی کے طالبان اور تکفیری دیوبندی دہشت گردوں سے روابط کی وجہ سے ہی پاکستانی میڈیا دہشت گردی کے حوالے سے جماعت اسلامی پہ کھل کر تنقید نہیں کرتا – حکیم اللہ اور اسامہ کو شہید کہنا اور پاکستانی فوج کے جوان جو طالبان کے خلاف جنگ کرتے ہوے اپنی جان سے گیےانھیں مردار کہنے کے بعد بھی جماعت اسلامی پہ اس طرح کی تنقید نہیں ہوئی جس طرح دوسری پارٹیز پہ کسی چھوٹے سے چھوٹے واقعے پہ ہوتی ہے –

پاکستانی اسٹیبلشمنٹ نے جس جماعت اسلامی کو ہر موقع پہ حمایت دی اب وہ اس حمایت کے بدلے پاکستانی فوج کے خلاف کھل کے سامنے آگیی ہے اور دہشت گردوں کی کھلے عام حمایت کر رہی ہے

جماعت اسلامی کے کارکنوں کے گھروں اور دفتر سے طالبان اور القاعدہ کے مختلف رہنما پکڑے گیے تھے – جب جماعت اسلامی حکومت میں تھی تب بھی جماعت اسلامی کے دفتر سے طالبان اور القاعدہ کے لوگ پکڑے جا رہے تھے – ایک جماعت جو حکومت میں جانے سے پہلے یہ حلف لیتی ہے کہ وہ پاکستان کے مفاد کے خلاف کوئی کام نہیں کرے گی اس کا حکومت میں رہتے ہوے پاکستان کے دشمنوں کو پناہ دینا ان کی مدد کرنا  جماعت اسلامی کی پاکستان سے غداری پہ مہر ثبت کرتا ہے – ان دہشت گردوں کی نا مکمل فہرست پیش خدمات ہے

جماعت اسلامی کے پاکستان میں دشمن ہونے میں کسی کو کوئی شک نہیں ہونا چاہیے – پاکستان کے دشمن دہشت گردوں کے قریبی روابط اور ان کو ہر قسم کی مدد فراہم کرنے کے ثبوت منظر عام پہ آنے کے بعد اس بات میں کوئی شک نہیں رہ جاتا کہ جماعت اسلامی پاکستان دشمنی میں کس حد تک آگے جا چکی ہے – ہمارا مطالبہ ہے کہ پاکستان ریاست اور ادارے جماعت اسلامی کے کی شدت پسند تظیموں سے روابط کی مکمل تحقیقات کریں اور ملوث لوگوں کو سزا دینے کے ساتھ ساتھ جماعت اسلامی پہ بھی بنگلہ دیش کی طرح سخت پابندیاں عائد کی جایں

 

Comments

comments