It is disgusting and dishonest to blame Sunni Muslims for Shia genocide. #ShameBBCUrdu

Sorry for being lazy. Can someone please provide email addresses of senior managers of BBC Urdu and BBC overall?

Also a text of suggested email for copy and paste can do wonders.

THE KILLING OF SHIA’S IN PAKISTAN

These are all planted and nourished by Saudi Arabia hugely funded by Wahabi(Khawarji) school of thought under the supervision of Pakistani’s Intelligence agencies.

According to a Chinese adage: “The beginning of wisdom is to call things by their right names.”

Sadly BBC editors are adamant at their policies. How can the improve if they are even receptive of criticism?

Ali Taj ‏@AliAbbasTaj
@TheHaroonRashid @BBCUrdu to refrain from misrepresenting #ShiaGenocide as an ethnic or sectarian issue. #ShameBBCUrdu http://t.co/mEmp9jBh

Haroon Rashid ‏@TheHaroonRashid
@AliAbbasTaj Will calling it a genocide change anything? Will they stop killing shias after hearing genocide?

Abdul Nishapuri ‏@AbdulNishapuri
@TheHaroonRashid Acknowledging Holocaust can’t change past but can affect future. Same true of #ShiaGenocide. @AliAbbasTaj

BBC = Bloody Boring Channel

Of course, when one is least concerned about people’s actual rights issues and massacres, it has to be bloody boring.

BBC Urdu’s credibility is seriously dented in recent years. Will they pay attention please?

The BBC is to Britain what Mullahism is to Pakistan: in both cases, the host organism is reduced to an unrecognizable suppurating mass.

#ShiaGenocide – Hazara Town attack: @BBCUrdu insults 60 dead Shia by hiding their Shia identity

http://freespeechpakistan.wordpress.com/2013/02/16/shiagenocide-hazara-town-attack-bbcurdu-insults-60-dead-shia-by-hiding-their-shia-identity/

فرقہ وارانہ تشدد میں ملوث تنظیمیں
آصف فاروقی

سپاہ صحابہ کا قیام ایرانی انقلاب کے ردعمل کے طور پر مبینہ طور پر پاکستانی فوجی صدر جنرل محمد ضیا الحق کی اسلامائزیشن کی پالیسی کے نتیجے میں انیس سو پچاسی میں عمل میں آیا۔
باور کیا جاتا ہے کہ ایران میں ’شیعہ انقلاب‘ کے اثرات سے خطے کو ’محفوظ‘ رکھنے میں سعودی عرب کی دلچسپی سے بھی فائدہ اٹھایا گیا اور ابتدائی طور پر اس تنظیم کے قیام کے لیے سعودی فنڈنگ کے الزامات بھی سامنے آتے رہے ہیں

انیس سو اناسی میں پاکستان میں شیعہ مسلمانوں کے حقوق کے تحفظ کی بنیاد پر علامہ ساجد نقوی نے ’تحریک نفاذ فقہ جعفریہ’ کی بنیاد رکھی تو جنوبی پنجاب کے شہر جھنگ میں دیوبندی مکتبۂ فکر سے تعلق رکھنے والے مولانا حق نواز جھنگوی نے انہیں چیلنج کیا۔ یہ سلسلہ جلد ہی ایک مہم میں تبدیل ہوگیا جو آڈیو کیسٹس کے ذریعے چلائی جا رہی تھی۔
مناظرے اور مباہلے کے چیلنجوں پر مبنی لفظوں کی یہ جنگ اس وقت خونی معرکے کی بنیاد بن گئی جب انیس سو اٹھاسی میں افغانستان سے ملحق قبائلی علاقے پارہ چنار میں تحریک جعفریہ پاکستان کے رہ نما علامہ عارف حسین الحسینی کو قتل کر دیا گیا جس کے ڈیڑھ سال بعد انیس سو نوے میں سپاہ صحابہ کے رہ نما مولانا حق نواز جھنگوی کو بم حملے میں موت کے گھاٹ اتار دیا گیا

اس وقت تک ملک اسحٰق ایک سو زائد افراد کے قتل کے الزام میں گرفتار کیے جا چکے تھے۔ تاہم کہا جاتا ہے کہ وہ جیل میں رہ کر بھی اپنے ساتھیوں کی مؤثر طور پر راہنمائی کرتے رہے۔
اس کا عملی ثبوت اس وقت ملا جب سنہ دو ہزار نو میں فوجی صدر دفاتر پر حملے کے دوران وہاں یرغمال بنائے گئے افراد کی رہائی کے لیے حکومت نے لاہور کی جیل میں قید ملک اسحٰق کو راتوں رات راولپنڈی منتقل کیا اور اغوا کاروں کے ساتھ ان کے مذاکرات کروائے گئے۔ یہ مذاکرات کامیاب تو نہ ہو سکے لیکن یہ بات واضح ہو گئی کہ ملک اسحٰق جیل میں رہ کر بھی ملک میں شدت پسندی کے واقعات میں ملوث رہے۔
گزشتہ سال عدالت سے ضمانت منظور ہونے کے بعد انہوں نے تنظیم اہل سنت والجماعت (سابق سپاہ صحابہ) میں شمولیت کا اعلان کرتے ہوئے لشکر جھنگوی سے اعلان لا تعلقی کر دیا۔
یہ تنظیم اس کے بعد بھی خاصی فعال ہے اور حالیہ عرصے میں شیعہ اور خاص طور پر ہزارہ شیعہ پر حملوں کی ذمہ داری قبول کرتی رہی ہے۔ تاہم اس کی موجودہ قیادت کے بارے میں انٹیلی جنس ادارے بھی زیادہ آگاہی نہیں رکھتے۔

سپاہ محمد کا قیام انیس سو ترانوے میں عمل میں آیا جب دیوبندی مکتبہ فکر سے تعلق رکھنے والی ایک تنظیم انجمن سپاہ صحابہ اہل تشیع کو نظریاتی و فکری محاذ پر چیلنج کرنے کے ساتھ ساتھ ان کے علماء اور مساجد پر حملے کر رہی تھی۔
بظاہر انجمن سپاہ صحابہ کا قیام تحریک نفاظ فقہ جعفریہ کے جواب میں تھا لیکن جلد ہی اعتدال پسند شیعہ رہنماؤں سے بغاوت کر کے ایک شدت پسند گروپ نمودار ہوا اور غلام رضا نقوی کی قیادت میں سپاہ محمد کے نام سے تنظیم قائم کر لی، جس کے بعد جوابی کارروائیوں کا سلسلہ شروع ہوا۔
انیس سو چھیانوے میں سپاہ محمد کے سالار اعلیٰ غلام رضا نقوی کو گرفتار کر لیا گیا ان پر قتل و اقدام قتل کے متعدد وارداتوں کا الزام تھا اور حکومت نے ان کے سر کی قیمت بیس لاکھ روپے مقرر کر رکھی تھی۔
ان کی عدم موجودگی میں علامہ مرید عباس یزدانی اور منور عباس علوی نے سپاہ محمد کی قیادت سنبھالی۔ ستمبر انیس سو چھیانوے میں علامہ مرید عباس یزدانی کو اسلام آباد میں ان کی رہائش گاہ پر قتل کر دیا گیا اور تنظیم کی قیادت منور عباس علوی اور جیل میں بند غلام رضا نقوی کے ہاتھ میں چلی گئی۔
جنوری انیس سو ستانوے میں سپاہ صحابہ کے سربراہ مولانا ضیاءالرحمان فاروقی کو بم دھماکے میں قتل کر دیا گیا، اس دوران سپاہ محمد میں ایک نئے شدت پسند گروپ کے ابھرنے کی اطلاعات بھی سنی گئیں جن کی قیادت میجر ریٹائرڈ اشرف علی شاہ کر رہے تھے۔
اگست دو ہزار ایک میں مشرف حکومت نے دیگر جنگجو گروپوں کے ساتھ سپاہ محمد پر بھی پابندی عائد کر دی اور ایجنسیوں نے جنگجو تنظیم کے خلاف سخت کارروائی کا آغاز کر دیا

http://www.bbc.co.uk/urdu/pakistan/2013/02/130222_sectarian_org_profiles_zs.shtml

فرقہ وارانہ مواد کی اشاعت پر قابو پانے میں ناکامی
ذیشان ظفر
بی بی سی اردو ڈاٹ کام، اسلام آباد
آخری وقت اشاعت: ہفتہ 23 فروری 2013 ,‭ 12:18 GMT 17:18 PST
Facebook
Twitter
دوست کو بھیجیں
پرنٹ کریں

اسّی کی دہائی میں پہلی بار اشتعال انگیز فرقہ وارانہ مواد کی باقاعدہ اشاعت شروع ہوئی
اسلامی جمہوریہ پاکستان میں مسلمانوں کے دو فرقوں اہلِ سنت اور اہلِ تشیع میں اختلافات کو ابھارنے اور ان دونوں فرقوں میں صدیوں سے موجود اختلاف رائے کو پرتشدد کارروائیوں کی شکل دینے میں فرقہ وارانہ تحریری مواد نے اہم کردار ادا کیا ہے۔
پاکستان کے وجود میں آنے سے پہلے برصغیر میں شیعہ سنی اختلافات پر فسادات کے واقعات پیش آتے تھے لیکن ان کی شدت یا شکل ایسی نہیں تھی جیسی کہ آج کے پاکستان میں نظر آتی ہے۔
اسی بارے میں
’ایک ہزار سے زائد شیعہ ہزارہ ہلاک، دو لاکھ نقل مکانی پر مجبور‘
کُرّم میں فرقہ وارانہ تشدد نیا نہیں
متحدہ ہندوستان اور شیعہ سنی کشمکش
متعلقہ عنوانات
پاکستان
جہاں ریاست، مذہب اور سیاست کو یکجا کر دے اور جہاں شدت پسندانہ نظریات کی حامل مذہبی جماعتوں کو ایک عرصے تک حکومتی سرپرستی میں ایک زرخیز میدان میسر ہو تو وہاں اس قسم کے حالات ہونا کوئی اچھنبے کی بات نہیں۔
گورنمنٹ کالج یونیورسٹی لاہور میں شعبہ تاریخ کے سابق سربراہ اور کیمبرج یونیورسٹی میں جنوبی ایشیا مرکز میں پروفیسر ڈاکٹر طاہر کامران کے مطابق ’پاکستان میں سنہ انیس سو انچاس میں قراردادِ مقاصد کے ذریعے اس کی بنیاد رکھتے ہوئے مذہب کو سیاست میں جگہ دی گئی اور خود فرقہ پرستی کی بنیاد پر تعریف نو کی گئی، جس کے نتیجے میں آنے والے برسوں میں احمدیوں کے خلاف تحریک چلی اور شیعہ سنی اختلافات ابھر کر سامنے آئے۔‘
پاکستان کے قیام کے کچھ عرصے کے بعد یہاں فرقہ وارانہ مواد کی اشاعت محدود پیمانے پر شروع ہو گئی تھی اور اس کے ساتھ ہسمایہ ملک ہندوستان کے مسلمان علما کی جانب سے ایک دوسرے کے عقائد کے خلاف لکھے گئے مواد کو پاکستان کی شکل میں ایک بڑی مارکیٹ مل گئی۔
ڈاکٹر طاہر کامران کے مطابق سنہ انیس سو ستاون میں چشتی سلسلے کے صوفی قمر الدین سیالوی کا شیعہ مسلمانوں کی مذمت سے متعلق ایک پمفلٹ شائع کیا گیا لیکن اس دور میں شیعہ فرقے کے خلاف زیادہ تر مواد ہندوستانی علماء کی جانب لکھا گیا اور پاکستان میں فرقہ واریت بڑھانے میں نمایاں کردار ادا کیا۔
’ان میں سے دو نام بہت مشہور ہیں، ان میں سے ایک عبدالشکور لکھنوی ہیں، جن کی کتابوں اور اقوال کا حوالہ کالعدم تنظیم سپاہ صحابہ کے بانی حق نواز جھنگوی اکثر اوقات اپنی تقاریر میں دیا کرتے تھے۔ اسی طرح سے ایرانی انقلاب کے بارے میں امام خمینی کی کتاب کے جواب میں مولانا منظور نعمانی کی کتاب بے حد مقبول ہوئی اور متعدد زبانوں میں شائع کی گئی اور کتاب کا دیباچہ ابولحسن ندوی نے لکھا تھا جو کہ برصغیر کے ایک بڑے عالم تھے۔‘
“سنہ انیس سو ستاون میں چشتی سلسلے کے صوفی قمر الدین سیالوی کا شیعہ مسلمانوں کی مذمت سے متعلق ایک پمفلٹ شائع کیا گیا لیکن اس دور میں شیعہ فرقے کے خلاف زیادہ تر مواد ہندستانی علماء کی جانب لکھا گیا اور پاکستان میں فرقہ واریت بڑھانے میں نمایاں کردار ادا کیا۔”
ڈاکٹر طاہر کامران
برصغیر میں شیعہ سنی اختلاف کی ایک تاریخ ہے لیکن پاکستان میں نظریات پر اختلاف رائے نفرت انگیز رویے اور پھر بعد میں پرتشدد کارروائیوں میں کس طرح تبدیل ہو گئی؟
ڈاکٹر طاہر کامران کہتے ہیں کہ ’1979 کا سال پاکستان میں بہت اہم اہمیت کا حامل ہے کیونکہ اسی سال ایران میں انقلاب آیا اور ایران نے پاکستان میں اپنے اثر ورسوخ میں اضافہ کرنا شروع کیا اور شیعہ فرقے کو متحرک کیا اور اس کے ساتھ سعودی عرب نے بھی اس اثر و رسوخ کے لیے پاکستان میں مداخلت شروع کر دی۔ اس کے ساتھ افغانستان میں روس کے خلاف جہاد کی وجہ سے پاکستان میں عسکریت پسندی کے کلچر کو فروغ دینا شروع کیا گیا۔
اگر ملکی سطح پر دیکھا جائے تو جنرل ضیا کی جانب ملک میں اسلامالائزیشن کے تناظر میں زکوۃ و عشر کا آرڈیننس آیا تو اس پر شیعہ فرقے نے بہت زیادہ احتجاج کیا اور اسلام آباد میں پارلیمان کے سامنے احتجاج کے بعد اس سے استثنیٰ حاصل کیا۔
یہ ہی حالات تھے جنہوں نے شیعہ سنی فرقوں کو ایک دوسرے کے سامنے لا کھڑا کیا۔
’ اسی دور میں پنجاب کے شہر بھکر میں تحریک نفاذ فقہ جعفریہ سامنے آئی کیونکہ شیعوں کو لگا کہ سیاسی طور پر متحرک ہو کر ہی وہ اپنے مطالبات منوا سکتے ہیں اور ساتھ ہی 1985 میں سنی تنظیم سپاہ صحابہ کا وجود عمل میں آتا ہے۔ یہی وہ دور تھا جب پاکستان ایک جامع مسلمان نے فرقہ وارانہ پہلو کے طور پر خود کو ڈھال لیا۔‘
اسّی کی دہائی میں پہلی بار اشتعال انگیز فرقہ وارانہ مواد کی باقاعدہ اشاعت شروع ہوئی اور جو پہلے چوری چھپے چھپا اور تقسیم ہوا کرتا تھا وہ کھلے عام بک سٹالز پر فروخت ہونا شروع ہوا۔
پاکستان میں شدت پسندی کے حوالے سے کام کرنے والے ایک ادارے پیپس یا پاکستان انسٹی ٹیوٹ فار پیس سڈیز کے ڈائریکٹر محمد عامر رانا کے مطابق ’اسی اور نوے کی دہائی میں اس قسم کے مواد کی بڑی تعداد میں اشاعت ہوتی تھی جو فرقہ وارانہ پرتشدد واقعات کی بنیادی وجہ تھے۔ ان میں سے بعض پر حکومت کی جانب سے پابندی بھی عائد کی گئی لیکن یہ مختلف ناموں سے شائع ہونا شروع ہو گئیں۔ جیسا کہ خلافت راشدہ جو کالعدم سپاہ صحابہ کا ترجمان ہے اور پابندی کے باوجود مختلف ناموں سے اب تک دستیاب ہے، اس کے علاوہ مختلف جہادی تنظیموں کی اشاعت میں فرقہ وارانہ مواد ملتا ہے جس میں پندرہ روزہ جیش محمد ہے، الفرقان ہے اور یہ اب بھی مختلف ناموں سے دستیاب ہیں، تحریک خادم اہل سنت کا حق چار یار، لاہور سے شائع ہونے والا ماہنامہ آب حیات وغیرہ شامل ہیں، دوسری جانب شیعہ فرقے کی جانب سے امامیہ سٹوڈنٹ آرگنائزیشن کے شمارے العارف میں بھی اس قسم کا مواد موجود ہے۔‘
“اب بھی بڑی تعداد میں فرقہ وارانہ مواد شائع ہو رہا ہے، فرق صرف اتنا پڑا کہ پہلے یہ مواد بک سٹالز پر نظر آ جایا کرتا تھا لیکن اب ایسا نہیں ہے۔ حکومت معروف پبلیکشنز پر پابندی لگاتی ہے تو وہ دوسری نام سے دوبارہ شائع ہونے شروع ہو جاتے ہیں لیکن اب تک کوئی ایسا طریقہ کار وضع نہیں کیا جا سکا جس سے مکمل طور پر اشاعت کو روکا جا سکے۔”
عامر رانا
ان کی تعداد کے بارے میں بتاتے ہوئے محمد عامر رانا نے کہا کہ اس قسم کے مواد کی فہرست بہت طویل ہے، اس میں مختلف مدارس کی جانب سے شائع ہونے والے مجلوں میں فرقہ وارانہ رسائل میں چھپنے والے مضامین دوبارہ شائع کیے جاتے ہیں، اس طرح سے کہا جائے تو یہ تعداد ہزاروں میں ہے۔‘
عامر رانا کے بقول اس قسم کے مواد کا ٹارگٹ مدرسے کا طالب علم اور مسجد کا امام ہے جس کی وجہ سے ان کا اثر بہت وسیع پیمانے پر ہوتا ہے، اس کے علاوہ آمدن کے لیے کاروباری طبقے کو ہدف بناتے ہیں جب کہ تیسرا ہدف عام طالب ہیں جو کالج، سکول اور یونیورسٹی کی سطح پر ہو سکتے ہیں۔
پپس کی جانب سے مرتب کی جانے والی ایک فہرست میں ایک مخصوص حلقے میں تقسیم ہونے والے تحریری مواد کی تعداد ہزاروں میں ہے جبکہ ایک سو کے قریب رسائل ایسے ہیں جن کی رینج اپنے ضلع سے باہر ہے یا یہ کئی شہروں میں پڑھے یا تقسیم کیے جاتے ہیں۔
پاکستان میں نائن الیون کے بعد مختلف جہادی اور عسکریت پسند مذہبی جمماعتوں کو پابندی کا سامنا کرنا پڑا تو کیا اس کے بعد ان تنظیموں کی جانب سے شائع ہونے والا مواد کم ہوا یا اس میں اضافہ ہوا۔
اس پر عامر رانا کا کہنا ہے کہ اب بھی بڑی تعداد میں فرقہ وارانہ مواد شائع ہو رہا ہے، فرق صرف اتنا پڑا کہ پہلے یہ مواد بک سٹالز پر نظر آ جایا کرتا تھا لیکن اب ایسا نہیں ہے۔ حکومت معروف پبلیکشنز پر پابندی لگاتی ہے تو وہ دوسرے نام سے دوبارہ شائع ہونا شروع ہو جاتے ہیں لیکن اب تک کوئی ایسا طریقہ کار وضع نہیں کیا جا سکا جس سے مکمل طور پر اشاعت کو روکی جا سکے۔
انٹرنیٹ کے دور میں کیا فرقہ وارانہ مواد کی اشاعت میں کمی ہوئی ہے، اس پر عامر رانا کے بقول مذہبی جماعتوں کا ہدف وہ لوگ ہیں جن کی انٹرنیٹ تک رسائی محدود ہے اور یہی وجہ ہے کہ پرنٹ میڈیا ان کا ایک موثر ہتھیار ہے اور اب بھی کثیر تعداد میں مواد شائع ہو رہا ہے اور منظم طریقے سے اس کی تقسیم جاری ہے۔
پاکستان میں فرقہ وارانہ شدت پسندی پر بی بی سی اردو کی خصوصی پیشکش کی اگلی کڑی پڑھنے کے لیے کچھ دیر بعد ویب سائٹ پر آئیں۔

http://www.bbc.co.uk/urdu/pakistan/2013/02/130223_sectarian_literature_zs.shtml

’ایران اور عراق کی پراکسی وار‘
علی سلمان
بی بی سی اردو ڈاٹ کام، لاہور
آخری وقت اشاعت: ہفتہ 23 فروری 2013 ,‭ 13:21 GMT 18:21 PST
Facebook
Twitter
دوست کو بھیجیں
پرنٹ کریں

پاکستان میں شیعہ سنی فسادات کے بڑھتے ہوئے سائے
وہ منظر میرے ذہن میں نقش ہوکر رہ گیا ہے جب میں زمانۂ طالب علمی میں غلطی سےایک ایسے علاقے میں چلا گیا جہاں شیعہ سنی فسادات کی وجہ سے کرفیو لگا ہوا تھا۔
ایم اے او کالج چوک میں ایک فوجی جیپ میں نصب مشین گن کے پیچھے کھڑے فوجی نے گردن موڑ کر میری جانب دیکھا۔ سردی کی ایک لہر پورے جسم میں دوڑ گئی۔ مجھے اچھی طرح یاد ہے کہ خاص طور پر سر سن سا ہوگیا تھا۔
متعلقہ عنوانات
پاکستان
بے تاثر آنکھوں والے فوجی نے گردن کو خفیف سا جھٹکا دیا وہ مجھے جانے کو کہہ رہا تھا۔ مجھے یوں لگا کہ میرے جسم میں خون کی گردش بحال ہوگئی ہے۔ میں نے موٹرسائیکل کو سٹارٹ کیا اور بھاگ لیا۔
ان دنوں لاہور میں شیعہ سنی فسادات اتنی شدت سے پھوٹے تھے کہ ان کی تپش لاہور کے تقریباً ہر گھر میں محسوس کی گئی ہو گی۔ انھی دنوں مجھے یہ سمجھنے کا موقع ملا کہ فسادات کس طرح پھوٹتے ہیں، کس طرح مخالف گروہ کے بارے میں اشتعال انگیز جھوٹے سچے واقعات سنے اور سنائے جاتے تھے۔
یہ ایس ایم ایس، ٹوئٹر اور فیس بک کا زمانہ نہیں تھا، شرانگیزیاں سینہ بہ سینہ سفر کرتی تھیں۔
کرفیو کے دنوں کی جو فرقہ وارانہ باتیں مجھے یاد ہیں وہ ہولناک اوراشتعال انگیز تھیں۔
ایک کہانی یہ تھی کہ ایک مسلک کے لوگوں نے مخالف فرقے کےایک بچے کو گھیرے میں لے لیا اور پھر اسے نیزے چبھو چبھو کر مارڈالا۔
ایک دوسری غیر مصدقہ بات بڑے وثوق سے بتائی جاتی تھی کہ فلاں جگہ جو ہمارے فرقے کا لڑکا مارا گیا اور اس کے بھائی نے بھرے مجمعے میں قرآن پر ہاتھ رکھ کر اس کے قتل کا بدلہ لینے کا اعلان کیا ہے۔
پھر یہ بھی بتایا جاتا کہ کس علاقے سے گزرنا اپنی جان گنوانے کے مترداف ہے۔
بعد میں کم از کم لاہور میں اس طرح کے فسادات کبھی دیکھنے میں نہیں آئے۔ البتہ سابق صدر جنرل ضیاءُالحق کے دورمیں ایسی تنظیمیں ضرور وجود میں آئیں جنہوں نے اس دور میں ٹارگٹ کلنگ اور حال میں خود کش حملوں کے ذریعے مخالف مسلک کے افراد کو ہلاک کرنا شروع کردیا۔
کالعدم سپاہِ صحابہ اور حالیہ جماعت اہلسنت کے صدر مولانا محمد احمد لدھیانوی کا کہنا ہے کہ فرقہ وارانہ فسادات میں شدت ایرانی انقلاب کے بعد دیکھنے میں آئی۔
اہل تشیع کی جماعت مجلس وحدت المسلمین کے صوبائی سیکریٹری جنرل کا کہنا ہے کہ امریکہ اور بھارت نے ایک خاص منصوبے کے تحت پاکستان میں فرقہ واریت کو ہوا دی اور ایسے واقعات رونما ہوئے جن کی بنیاد نفرت پر تھی۔
“امریکہ اور بھارت نے ایک خاص منصوبے کے تحت پاکستان میں فرقہ واریت کو ہوا دی اور ایسے واقعات رونما ہوئے جن کی بنیاد نفرت پر تھی۔”
مجلس وحدت المسلمین کے صوبائی سیکریٹری جنرل
فرقہ وارانہ وارداتوں کا نیٹ ورک توڑنے کے لیے پنجاب پولیس میں سی آئی ڈی قائم کی گئی تھی۔ سی آئی ڈی میں کئی برس گزارنے والے ایک ریٹائرڈ پولیس افسرنے بتایا کہ ایران اور عراق کی پراکسی وار پاکستان کے اندر بھی لڑی گئی۔
انہوں نے اس سلسلے میں عراق کے سزائے موت پانے والے سابق صدر صدام حسین کا نام بھی لیا۔
پاکستان میں پہلا مشہور ٹارگٹڈ قتل تحریکِ نفاذِ فقۂ جعفریہ کے سربراہ علامہ عارف الحسینی کا ہوا۔اس کے بعد بالترتیب ایرانی سفارتکار آقائے صادق گنجی اور سابق گورنر سرحد لیفٹنٹ جنرل فضل حق کو قتل کیا گیا۔
مبصرین کا کہنا ہے کہ قتل کی ان تمام وارداتوں کے بارے میں یہ تاثر پیدا کیا گیا کہ ان میں کہیں نہ کہیں فرقہ واریت کا عنصر بھی شامل تھا۔
ان افراد کے قتل کے بعد ایک ایسا دور آیا کہ پورے ملک میں جگہ جگہ ٹارگٹ کلنگ شروع ہو گئی۔ مساجد اور امام بارگاہوں میں بم دھماکے بھی ہوئے اور مسلح افراد نے ان عبادت گاہوں میں داخل ہوکر عبادت میں مصروف افراد کو فائرنگ کا نشانہ بنایا۔
یہ وہی دور ہے جب مسلمانوں کے دیوبند مسلک سے تعلق رکھنے والی تنظیم سپاہ صحابہ وجود میں آئی اور پھر اس میں سے ایک حصہ ٹوٹ کر لشکرِ جھنگوی بنا جس کے سربراہ ریاض بسرا تھے۔
اس کے بعد ٹارگٹ کلنگ کا ایک لامتناہی سلسلہ شروع ہو گیا جس میں نمبر گیم کے لیے لوگوں کو صرف ان کے نام کی وجہ سے قتل کیا گیا۔
دوسری طرف شیعہ شدت پسند بھی مقابلے میں کم نہیں رہے۔ کالعدم سپاہِ صحابہ کے سربراہ مولانا لدھیانوی کہتے ہیں کہ ان کی تنظیم کے پانچ سربراہوں اور سینکڑوں کارکنوں کو محض سنی ہونے کی وجہ سے ہلاک کیا گیا۔
ریاض بسرا ایک چھلاوہ بن گئے تھے۔ اگرچہ بعد میں وہ پولیس مقابلے میں ہلاک ہو گئے لیکن کالعدم تنظیم لشکر جھنگوی آج بھی زیر زمین سرگرم ہے۔
اب تازہ ترین اطلاعات کے مطابق لشکر جھنگوی کے کارکن تحریک طالبان پنجاب کے ساتھ مل کر پرتشدد کارروائیاں کر رہے ہیں۔
ملتان پولیس کے سربراہ عامر ذوالفقار کا کہنا ہے کہ لشکر جھنگوی کے کارکنوں نے اب خودکش حملوں کی بھی تربیت حاصل کی ہے اور انہیں عام اشیا سے بم بنانے کا ہنر بھی آچکا ہے۔
مبصرین کا کہنا ہے کہ فرقہ وارانہ انتہا پسندی پر مبنی شدت پسند تنظیمیں وقت گزرنے کے ساتھ ساتھ مزید مضبوط ہوئی ہیں، وہیں ان کی کارروائیوں سے عوام میں ان کے خلاف بدظنی پیدا ہوئی ہے اور ماضی کی طرح گھر گھر ہونے والے فسادات کا راستہ رکا ہے۔

http://www.bbc.co.uk/urdu/pakistan/2013/02/130223_shia_sunni_origins_zis.shtml

کُرّم میں فرقہ وارانہ تشدد نیا نہیں
دلاور خان وزیر
بی بی سی اردو ڈاٹ کام پشاور
آخری وقت اشاعت: ہفتہ 23 فروری 2013 ,‭ 07:58 GMT 12:58 PST
Facebook
Twitter
دوست کو بھیجیں
پرنٹ کریں

کرم ایجنسی میں سکیورٹی فورسز کی تعیناتی کے باوجود علاقے میں فرقہ وارانہ تشدد کے مکمل خاتمے میں کامیابی نہیں ہو سکی ہے
پاکستان میں جہاں اکثر قبائلی علاقے شدت پسندی سے بُری طرح متاثر ہوئے ہیں وہیں کُرم ایجنسی ایسا قبائلی علاقہ ہے جسے عام شدت پسندی سے زیادہ فرقہ وارانہ تشدد نے تباہی کے دہانے پر لا کھڑا کیا ہے۔
ایک وقت تھا کہ حسین قدرتی نظاروں سے مالا مال یہ علاقہ مُلک کے دیگر قبائلی علاقوں کے مقابلے میں پُرامن سمجھا جاتا تھا لیکن گزشتہ پانچ؛چھ سال سے یہ فرقہ وارانہ تشدد کے لپیٹ میں ہے۔
اسی بارے میں
کُرم:سڑک معاہدے پر عمل درآمد باقی
’کرم ایجنسی میں انسانی حقوق کی پامالی‘
پارا چنار دھماکہ، ہلاکتیں اکتیس ہوگئیں
متعلقہ عنوانات
پاکستان
کُرم ایجنسی کی سرحدیں اورکزئی، شمالی وزیرستان ایجنسی اور خیبر پختونخوا کے ضلع ہنگو کے علاوہ مغرب میں تین مقامات پر افغانستان کے صوبہ ننگرہار، پکتیا اور خوست سے ملتی ہیں۔
فرقہ واریت کا مسئلہ اس علاقے کے لیے نیا نہیں اور مبصرین کے خیال میں کُرم ایجنسی میں فرقہ وارانہ فسادت کی تاریخ کم از کم پچاس سال پرانی ہے جس میں ہزاروں افراد ہلاک اور زخمی ہو چکے ہیں۔
دو ہزار گیارہ میں قومی اسمبلی کی انسانی حقوق سے متعلق سٹینڈنگ کمیٹی کے ’ان کیمرہ‘ اجلاس میں ملک کی سول اور فوجی قیادت نے اس بات کو تسلیم کیا تھا کہ کرم ایجنسی میں حکومتی عمل داری نہ ہونے کے باعث گزشتہ چند برسوں کے دوران انسانی حقوق کی خلاف ورزیاں ہوئی ہیں اور اس دوران فرقہ وارانہ جھڑپوں میں سولہ سو افراد ہلاک اور ساڑھے پانچ ہزار زخمی ہوئے ہیں۔
فاٹا سیکرٹیریٹ میں تعینات ایک اعلیٰ اہلکار نے بی بی سی کو بتایا کہ ’ کُرم ایجنسی میں مختلف اوقات میں سُنی شیعہ فسادات میں بڑے پیمانے پر ہلاکتیں ہوئی ہیں لیکن ان کی صحیح تعداد کے بارے میں علم نہیں‘۔
انہوں نے کہا کہ حکومت نے ہر موقع پر کوشش کی ہے کہ کُرم ایجنسی میں امن و امان قائم ہو لیکن بدقسمتی سے وہاں مستقل بنیاد پر ایسا نہیں ہو سکا۔
اس علاقے میں پہلی مرتبہ فرقہ وارانہ فسادات 1961 میں اس وقت ہوئے تھے جب لوئر کُرم کے صدر مقام صدہ میں ایک فرقے کے رہنما کے گھر پر فائرنگ کے نتیجے میں فساد بھڑک اُٹھا تھا۔ یہ جھڑپیں بعد میں لوئر اور وسطی کُرم تک پھیل گئیں اور اس میں کم از کم اکیس افراد ہلاک ہوگئے تھے۔
مقامی لوگوں کے مطابق ان جھڑپوں کے بعد فریقین کے درمیان امن معاہدہ طے پایا اور تقریباً دس سال تک علاقے میں مکمل امن و امان برقرار رہا۔
“چھ اپریل دو ہزار سات کو پہلی بار مُسلح طالبان نے اہل تشیع کے علاقے کو نشانہ بنایا تھا۔ انہوں نے کہا کہ یہ لڑائی تقریباً دو ہفتے تک جاری رہی جس میں پچاس سے زیادہ لوگ ہلاک ہوگئے تھے۔ اس جھڑپ کے بعد فریقین کے درمیان ایک بار پھر امن معاہدہ ہوا جس میں پاڑہ چنار، ٹل روڈ بھی ہر قسم کے ٹریفک کے لیے کھول دی گئی لیکن بدقسمتی سے سولہ نومبر دو ہزار سات کو پاڑہ چنار میں پھر لڑائی شروع ہوئی جس کے بعد سے فروری دو ہزار گیارہ تک ٹل پاڑہ چنار روڈ بند رہی اور فریقین کے درمیان وقفے وقفے سے لڑائی بھی ہوتی رہی۔”
سُبحان علی
صدہ ہی دوسری مرتبہ بھی علاقے میں فرقہ وارانہ جھڑپوں کا مرکز بنا جب 1987 میں یہاں نامعلوم مُسلح افراد نے ایک مذہبی جلوس کو نشانہ بنایا تھا اور بعد میں یہ لڑائی پورے علاقے میں پھیل گئی تھی۔ مقامی لوگوں کا کہنا ہے کہ اس لڑائی میں سو کے قریب لوگ ہلاک جبکہ سینکڑوں زخمی ہوئے تھے۔
نو برس بعد اس علاقے میں ایک بار پھر فرقہ وارانہ کشیدگی اس وقت پیدا ہوئی جب 1996 میں مبینہ طور پر پاڑہ چنار کے سرکاری کالج میں تحتۂ سیاہ پر شیعوں کے خلاف نعرہ لکھنے پر سُنی اور شیعہ طلباء کے درمیان لڑائی چھڑ گئی۔ مقامی شہریوں نے اس لڑائی میں مداخلت کی جس کے بعد اس کا دائرہ پھیل گیا اور فریقین میں جھڑپیں اندازاً دس دن تک جاری رہیں جن میں ستر کے قریب لوگ ہلاک جبکہ اسّی سے زیادہ زخمی ہوئے تھے۔
1996 کے بعد آنے والے برسوں میں ایجنسی کے مختلف مقامات پر شیعوں اور سنیوں میں جھڑپوں اور مسافر گاڑیوں پر مسلح افراد کے حملوں کا سلسلہ جاری رہا اور پیواڑ ، بوشہرہ اور مالی خیل کے مقامات پر بڑی جھڑپیں ہوئیں ۔
دو ہزار سات میں اس علاقے میں فرقہ وارانہ کشیدگی نے ایک نیا موڑ اس وقت لیا جب اہلِ تشیع کے مخالفین کو طالبان کی مدد حاصل ہوگئی اور اس کے بعد سے وقتاً فوقتاً پیش آنے والے پرتشدد واقعات میں بڑے پیمانے پر ہلاکتیں ہوئی ہیں۔
ایجنسی کے صدر مقام پاڑہ چنار کی معروف شخصیت سبحان علی نے بی بی سی کو بتایا کہ چھ اپریل دو ہزار سات کو پہلی بار مُسلح طالبان نے اہل تشیع کے علاقے کو نشانہ بنایا تھا۔ انہوں نے کہا کہ یہ لڑائی تقریباً دو ہفتے تک جاری رہی جس میں پچاس سے زیادہ لوگ ہلاک ہوگئے تھے۔
“پاڑہ چنار کے حالات کا گہرا تعلق ہمسایہ ملک افغانستان کے حالات کا بھی ہے۔ کُرم ایجنسی میں حالات طالبان شدت پسندوں نے خراب کیے ہیں لیکن بعض قوتیں ان کی فرقہ واریت کی ہوا دے رہی ہیں۔”
سید علی کاظمی
سُبحان علی کا کہنا تھا کہ اس جھڑپ کے بعد فریقین کے درمیان ایک بار پھر امن معاہدہ ہوا جس میں پاڑہ چنار، ٹل روڈ بھی ہر قسم کے ٹریفک کے لیے کھول دی گئی لیکن بدقسمتی سے سولہ نومبر دو ہزار سات کو پاڑہ چنار میں پھر لڑائی شروع ہوئی جس کے بعد سے فروری دو ہزار گیارہ تک ٹل پاڑہ چنار روڈ بند رہی اور فریقین کے درمیان وقفے وقفے سے لڑائی بھی ہوتی رہی۔
کرّم ایجنسی کے صدر مقام پاڑہ چنار کی ایک سماجی تنظیم یوتھ آف پاڑہ چنارایک سماجی تنظیم نے علاقے میں دو ہزار سات سے دو ہزار بارہ کے درمیان پیش آنے والے ایسے تمام واقعات کا ریکارڈ جمع کیا ہے جس کے مطابق ان پانچ برس میں اس قسم کے سو سے زیادہ واقعات پیش آئے جن میں ایک ہزار سات سو ساٹھ افراد ہلاک اور چھ ہزار زخمی ہوئے جن میں سے دو سو پچاسی معذور ہو چکے ہیں۔
یوتھ آف پاڑہ چنار کے چیئرمین سید علی کاظمی نے بتایا کہ پاڑہ چنار کے حالات کا گہرا تعلق ہمسایہ ملک افغانستان کے حالات کا بھی ہے۔ انہوں نے کہا کہ ’کُرم ایجنسی میں حالات طالبان شدت پسندوں نے خراب کیے ہیں لیکن بعض قوتیں ان کی فرقہ واریت کی ہوا دے رہی ہیں۔‘
فرقہ واریت کے اس منظر میں طالبان کی شمولیت نے پہلی مرتبہ علاقے نے خودکش بم دھماکوں کا سامنا بھی کیا۔ پہلا واقعہ چار اگست دو ہزار سات کو ہوا جس میں تقریباً پندرہ افراد ہلاک ہوئے جبکہ مئی دو ہزار آٹھ میں ایک انتخابی جلسے میں ہونے والا خودکش دھماکا سو سے زیادہ افراد کی ہلاکت اور درجنوں کی معذوری کا سبب بنا۔
دو ہزار بارہ میں اس علاقے میں خودکش حملوں میں تیزی دیکھنے میں آئی اور اس سال تین بڑے حملوں میں درجنوں افراد مارے گئے۔
گزشتہ کچھ عرصے سے کُرم ایجنسی میں کوئی بڑا واقعہ پیش نہیں آیا اور سات آٹھ مہینوں سے ٹل، پاڑہ چنار مرکزی شاہراہ بھی ہر قسم کے ٹریفک کے لیے کھول دی گئی ہے۔ البتہ کُرم ایجنسی سے تعلق رکھنے والے شیعہ مسلک کے افراد کے پشاور اور دوسرے علاقوں میں ہدف بنا کر ہلاک ہونے کے کئی واقعات پیش آئے ہیں۔
پاکستان میں فرقہ وارانہ شدت پسندی پر بی بی سی اردو کی خصوصی پیشکش کی اگلی کڑی ’فرقہ وارانہ مواد کی اشاعت روکنے میں ناکامی‘ پڑھنے کے لیے کچھ دیر بعد ویب سائٹ پر آئیں

http://www.bbc.co.uk/urdu/pakistan/2013/02/130223_sectarian_kurram_zs.shtml