اہل اقتدار کی خاموشی ہی اصل طالبانیت ہے

عامر احمد خان

دیوبندی جنونی ایک عرصے سے باقاعدہ منصوبہ بندی کے ساتھ ہماری اقلیتی برادریوں پر حملہ آور ہیں۔ کبھی ہمارے شیعہ کبھی احمدی اور کبھی مسیحی ان کا نشانہ بنتے ہیں۔ ان کے جنون، بیدردی اور دیدہ دلیری میں دن بدن اضافہ ہو رہا ہے۔
اور ہم ہیں کہ اس بحث میں پڑے ہیں کہ ان میں سے اچھے کون ہیں اور برے کون۔ نہ صرف یہ بلکہ ہم انھیں خوش کرنے کے لیے کبھی تو بچوں کو سکولوں میں جہاد پڑھانا شروع کر دیتے ہیں اور کبھی نصاب میں سے علم خارج کرنے میں لگ جاتے ہیں۔
اس دوران ہم ان جنونیوں کی بربریت پر بالکل خاموش رہتے ہیں۔ اگر ان کی کارروائیوں کی مذمت بھی کرتے ہیں تو ان کا نام لیے بغیر۔
ہمارے اہل اقتدار کی یہ خاموشی ہی اصل طالبانیت ہے۔ جنونی تو صرف بےگناہ لوگوں کو مارتے ہیں۔ لیکن یہ خاموشی اور اس میں گونجتا ہمارا ذہنی انتشار پاکستانی معاشرے کی روح کا دشمن ہے۔
کل کے تاریخ دان پاکستان کی تباہی کا ذمہ دار طالبان کو نہیں بلکہ ہماری قیادت کے دل و دماغ پر چڑھی اس پٹی کو ٹھہرائیں گے جس نے ان کے ساتھ ساتھ پورے معاشرے کو صُمٌّ بُكْمٌ کر دیا۔

http://www.bbc.co.uk/urdu/pakistan/2013/09/130922_peshawar_church_aamer_zz.shtml

ہسپتال کے اندر خون تھا تو باہر صرف اشتعال
رفعت اللہ اورکزئی

زخمیوں کو جس وقت لایا جارہا تھا اس وقت تک ایمرجنسی گیٹ کے سامنے عیسائی براداری سے تعلق رکھنے والے سینکڑوں نوجوان ہجوم کی شکل میں جمع ہوگئے تھے۔
یہ افراد انتہائی غصے کی حالت میں تھے اور پھر جب پشاور پولیس کے سربراہ محمد علی بابا خیل پولیس اہلکاروں سمیت ایمرجنسی وارڈ میں داخل ہوئے تو وہاں موجود افراد اچانک مشتعل ہوگئے اور انہوں پولیس اہلکاروں پر پتھراؤ کر دیا۔
پولیس سربراہ اور دیگر اہلکار اس پتھراؤ سے تو محفوظ رہے لیکن لوگوں کے تیور دیکھ کر وہ وہاں سے فوری طور پر نکل گئے۔
اس دوران مشتعل ہجوم نے ایمرجنسی وارڈ میں توڑپھوڑ بھی کی اور دروازوں اور کھڑکیوں کے شیشوں کو توڑ ڈالا۔ اس ساری کارروائی کے دوران وہاں پولیس اہلکار اور ہسپتال کا عملہ بھی موجود تھا لیکن لوگوں کے غصے کو دیکھ کر کوئی ہجوم کو روکنے کے لیے سامنے نہیں آیا۔

مشتعل افراد مسلسل عمران خان ، وزیراعظم نواز شریف اور وزیراعلیٰ خیبر پختونخوا کے خلاف زبردست نعرہ بازی کرتے رہے۔ انہوں نے سخت غصے کی حالت میں عمران خان، نواز شریف اور وزیراعلیٰ خیبر پختونخوا کےلیے نازیبا الفاظ کا استعمال بھی کیا ۔

خاتون رکن صوبائی اسمبلی نگہت اورکزئی بھی اس احتجاج میں پیش پیش رہیں اور ایمرجنسی وارڈ کی سیڑھیوں پر بیٹھے عیسائی نوجوانوں کے ساتھ ’عمران خان مردہ باد‘ کے نعرے لگاتی رہیں۔

وارڈ کے اندر داخل ہونے کا موقع ملا تو ہر طرف زخمی بیڈ اور سٹریچروں پر پڑے ہوئے تھے اور وارڈ کے فرش پر بھی ہر طرف خون ہی خون بکھرا ہوا تھا۔
تقریباً تین گھنٹے تک ہسپتال میں میری موجودگی کے دوران عوامی نیشنل پارٹی ، پیپلز پارٹی اور جمعیت علماء اسلام (ف) کے رہنما تو وہاں آئے تاہم اس دوران پاکستان تحریک انصاف کا کوئی وزیر یا پارٹی عہدیدار دیکھنے میں نہیں آیا۔
موقع پر موجود عیسائی نوجوان اس بات پر بھی غصے میں تھے کہ نہ تو گرجا گھر کو حکومت کی طرف سے کوئی خاص سکیورٹی فراہم کی گئی تھی اور نہ اب حکومتی اہلکار ان سے ہمدردی کے لیے ہسپتال آ رہے ہیں۔
تاہم جب حالات کچھ بہتر ہوئے تب تحریک انصاف کے سربراہ عمران خان دیگر وزراء اور رہنماؤں کے ہمراہ لیڈی ریڈنگ ہسپتال آئے اور زخمیوں کی عیادت کی۔
عمران خان کی آمد بھی مشتعل عیسائیوں کے دکھ میں کمی نہ لا سکی اور کچھ رہنما یہ بات بھی کرتے سنائے دیے کہ عمران خان دہشتگردوں سے مذاکرات کی بجائے ان کے خلاف کارروائی کی حمایت کرتے تو شاید انہیں آج یہ دن نہ دیکھنا پڑتا۔

http://www.bbc.co.uk/urdu/pakistan/2013/09/130922_peshawar_hospital_scene_zs.shtml

عمران خان شدت پسندوں کی جانب قدرے مبہم سا یا ان کی جانب جھکتا ہوا موقف اختیار کرکے شاید اپنی جماعت کو تو طالبان کے قہر سے بچا لیں لیکن کیا وہ اس صوبے کے عوام کو بچا پائیں گے۔ یہی ان کے لیے سب سے بڑا چیلنج ہے۔ اس کا احساس انہیں ہے یا نہیں اس بارے میں اکثر لوگ ابہام کا شکار ہیں۔
ان کا موقف کہ یہ حملہ ان لوگوں کا کام ہے جو مذاکرات نہیں چاہتے، زیادہ وزن نہیں رکھتا۔ یہ اسی طرح کا گھسا پٹا روایتی بیان ہے جس میں ’بیرونی ہاتھ‘ کو ہر کارروائی کی وجہ قرار دیا جاتا رہا ہے۔ وہ ہاتھ آج تک کسی نہیں دیکھا لہذا مذاکرات مخالف قوتیں بھی شاید کبھی سامنے نہ آسکیں۔
عمران خان نے ایک بیان میں اس حملے کو شرمناک قرار دیا ہے۔ انہیں امید ہے کہ اگر سپریم کورٹ انہیں اس لفظ کے استعمال پر چھوڑ سکتی ہے تو شاید شدت پسند بھی اس کا زیادہ برا نہیں منائیں گے۔
پاکستان میں جاری شدت پسندی کے گزشتہ بارہ سالوں میں نہ تو امن مذاکرات سے کچھ افاقہ ہوا اور نہ ہی فوجی کارروائیوں سے اور کسی دائمی حل تک اپنی بیٹی کھو دینے والے ریاض مسیح کو شک ہی رہے گا کہ وہ اس مملکت خداداد کے برابر کے شہری ہیں یا نہیں

http://www.bbc.co.uk/urdu/pakistan/2013/09/130923_peshawar_att

. تین دن میں دشتگردوں نے شیعہ، سنی اور آج مسیحی برادری پر دھماکہ کردیا. اور ہم دشتگردوں سے جنگ کے بجاۓ ان کے پیر پکڑ کر مذاکرات کی بات کررہے ہیں – See more at: https://lubp.net/archives/283999#sthash.fNdG7X3Z.dpuf

ہم نواز شریف، عمران خان، منور حسن، فضل الرحمان سمیت ہر اس یزیدی کی مذمت کرتے ہیں جو طالبان اور لشکر جھنگوی کے وحشی درندوں سے مذاکرات کی آڑ میں سنی بریلویوں، شیعوں، احمدیوں اور مسیحیوں کے قتل عام میں تکفیری دہشت گردوں کی مدد کر رہا ہے – آج غمزدہ مسیحی نو جوانوں نے عمران خان کی ہسپتال آمد پر عمران کتا کہ کر اس طالبان پرست سیاستدان کے خلاف اپنے جذبات کا اظہار کیا
https://audioboo.fm/boos/1615109-angry-reception-for-imran-khan-after-church-bombing

ایسے ہی جذبات پاکستان کے تمام مظلوم عوام میں نواز شریف، حمید گل، نجم سیٹھی، انصار عباسی، حامد میر اور آستین کے دیگر سانپوں کے خلاف پاے جاتے ہیں آج پورا پاکستان دیوبندی دہشت گردوں اور ان کے سرپرستوں کے خلاف سراپا احتجاج ہے https://lubp.net/archives/283999

بی بی سی اردو کے نامہ نگار کے مطابق پشاور پولیس کا کہنا ہے کہ ان دھماکوں میں 80 افراد کی ہلاکت کی تصدیق ہو چکی ہے جب کہ ایسی اطلاعات بھی ہیں کہ موقع پر ہی دم توڑ دینے والے مزید آٹھ سے دس افراد کی لاشوں کو ہسپتال لایا ہی نہیں گیا۔
لیڈی ریڈنگ ہسپتال کے حکام کا کہنا ہے کہ ہسپتال میں کل 206 افراد لائے گئے جن میں سے 78 چل بسے جب کہ 56 کو ابتدائی طبی امداد کے بعد فارغ کر دیا گیا اور باقی زخمی ابھی ہسپتال میں ہیں جن میں سے دس کی حالت نازک ہے۔
بس ایک طوفان سا آیا اور دھماکہ ہوا
“گیارہ بجے جب چرچ ختم ہوا تو سارے لوگ معمول کے مطابق ایک دوسرے سے مل رہے تھے۔ میں نے اپنے شوہر سے کہا کہ چلتے ہیں تو انہوں نے کہا کہ تھوڑا ٹھہرو۔۔۔اسی وقت بس ایک طوفان سا آیا، دھماکہ ہوا اور میں ادھر ہی گر گئی۔ اس کے بعد میرے شوہر نے آ کر مجھے اٹھایا۔”
سوشیلا مراد، عینی شاہد
حکام کے مطابق مرنے ولوں میں 34 خواتین اور سات بچے بھی شامل ہیں۔ نامہ نگار عزیز اللہ خان کے مطابق خود کش حملہ آوروں نے چرچ کے داخلی دروازے کے قریب جس مقام پر دھماکے کیے وہاں دیوار کے ساتھ بڑی تعداد میں خواتین اور بچے کھڑے تھے کیونکہ اس وقت وہاں کھانا تقسیم ہو رہا تھا۔
ان دھماکوں کے عینی شاہدین نے بی بی سی اردو کو بتایا کہ دو خودکش حملہ آور چرچ کے بڑے دروازے سے داخل ہوئے تھے اور انہوں نے تقریباً دو منٹ کے وقفے سے اپنے آپ کو اڑایا۔ دونوں حملہ آوروں کے درمیان فاصلہ پانچ سے چھ فٹ تک تھا اور چرچ کے صحن میں اس کے واضح نشانات دیکھے جا سکتے ہیں۔
ادھر ہلاک شدگان کی تدفین کا عمل اتوار کی رات بھر جاری رہا اور شہر کے تین قبرستانوں وزیر باغ، گورا قبرستان اور شریف آباد قبرستان میں 80 افراد کو سپردِ خاک کر دیا گیا۔
یہ حملہ پاکستان کی تاریخ میں عیسائی برادری پر ہونے والے بدترین حملوں میں سے ایک ہے اور دھماکوں میں ہلاکتوں کے خلاف ملک کے مختلف شہروں میں مسیحیوں نے مظاہرے کیے ہیں

http://www.bbc.co.uk/urdu/pakistan/2013/09/130923_peshawar_blast_toll_rise_zs.shtml