وسیم الطاف کی یہ بات ٹھیک ہے کہ جدید یونیورسٹیوں سے سائنسی و سماجی جدید علوم کی تعلیم پانے والے لوگ جب شیخ ابن تیمیہ اور اس کے شاگرد جیسے ابن قیم ، حافظ الھادی وغیرہ اور محمد بن عبدالوھاب اور اس کے خوشہ چین جیسے شیخ ابن باز ، صالح العثمین ، شاہ اسماعیل دھلوی ، سید احمد بریلوی ، ان سب سے متاثر ہونے والے سید مودودی ، سید قطب ، حسن البنا اور پھر ان سب سے اثر لینے والے عبداللہ عزام ، عبدالرحمان مصری ، ایمن الزھروی ، اسامہ بن لادن ، حق نواز جھنگوی اور پھر ان کے درجنوں چھوٹے بڑے مفتیان و مولویان کی تحریروں اور واعظوں کے زیر اثر آئے اور پھر ان جدید تعلیم یافتہ مستحکم مڈل کلاس یا امراء سے تعلق رکھنے والے نوجوانوں کو ان نام نہاد استعمار مخالف تحریروں سے سابقہ پڑا جو بظاہر مذھبی شدت پسندی سے علاقہ نہ رکھنے والوں نے لکھی تھیں اس سے بھی ان نوجوانوں کی کایا کلپ ہوگئی اور یہ اگر دیوبندی تبلیغی جماعت سے وابستہ تھے تو اس سے آگے جاکر وہ دیوبندی تکفیری ہوگئے اور اگر جمعیت سے تھے تو تکفیری جماعتئے ہوگئے اور اکا دکا جو سلفی پاکستان میں وہ سلفی تکفیری ہوگئے
وسیم الطاف ان نوجوانوں کی کایا کلپ میں کردار ادا کرنے والے جن احباب کے لٹریچر کو اسلامی لٹریچر کہہ رہے ہیں ان احباب کا اپنا علمی و فکری ارتقاء ان کے مسلک اعتدال سے مسلک تکفیر کی جانب سفر کرنے کا غمازی ہے اور یہ لٹریچر وہ ہے جو مسلم فرقوں کی تاریخ میں اگر ہم اس کی مثال تلاش کریں تو وہ تکفیری و خوارج کے ادب اور خیالات میں ملے گی اور اسے نہ صرف مسلم عوام کی اکثریت نے رد کیا بلکہ جو مسلم مسلمہ سکالرز تھے انہوں نے بھی اس کو مجموعی طور پر رد کردیا تھا
اب یہاں ایک حقیقت اور بھی جس کا جائزہ لیتے ہوئے اکثر لبرل شرماجاتے ہیں اور وہ اس حقیقت بارے کلام کرنے سے بھی قاصر ہوتے ہیں کیونکہ ان کو یہ فرقہ واریت لگتی ہے میرے زھن میں یہ سوال پیدا ہوتا ہے کہ قرآن و حدیث و فقہ کی جو تعلیم اہلسنت کے مذاھب اربعہ آئمہ اور اثنا عشری کے آئمہ کے ہاں ملتی ہے اسے پڑھنے والے چاہے جدیدیے ہوں یا ان کے مدارس کے طلباء وہ تو ابوبکر البغدادی ، سعد عزیز ، اظہر ، طاہر سائیں اور حافظ ناصر کیوں نہیں بنتے یا وہ دیوبندی جو ان کے اثر میں نہیں آتے جن کے نام وسیم الطاف نے لکھے تکفیریت اور پھر وحشتناک خون آشام نہیں بنتے ؟
اس سے یہ نتیجہ نکالا جاسکتا ہے کہ جو بھی دیوبندی و سلفی تکفیریوں کے زیرسایہ رہ کر قرآن و حدیث و تاریخ پڑھتا ہے وہ سرتاپیر تکفیریت و خوارجیت میں رنگا جاتا ہے اور پھر وہ معصوم عورتوں ، بچوں تک کو قتل کرنے سے گریز نہیں کرتا تو یہ تکفیریت و خارجیت ہے جو انسانوں کی کایا کلپ کرتی ہے جب تک اس کو نہیں تسلیم کیا جائے گا اس وقت تک جدید تعلیم یافتہ نوجوانوں کی کایا کلپ کی ٹھوس وجہ معلوم نہیں ہوگی
اور پاکستان کے دیوبندی مذھبی قیادت کے ہاں اپنی صفوں میں موجود اس تکفیری و خوارجی طاقت کے وجود کو چھپانے اور اس کی تکفیریت پر پردہ ڈالنے کی کوشش میں مصروف ہے