جاوید ابراہیم پراچہ ہی نواز شریف کا اصل چہرہ ہے – حق گو
جاوید ابراہیم پراچہ آج کل ہمارے 24/7 چینلوں کی ضرورت بن چکے ہیں۔ اپنی کیمرے کے سامنے گفتگو سے وہ تاثر کچھ اس طرح کا بناچکے ہیں کہ جیسے بقول ان کے ’’چترال سے ژوب تک امیر المومنین ملا عمر کی قیادت میں متحرک طالبان‘‘ نواز شریف حکومت سے صلح کے مذاکرات پر آمادہ ہو چکے ہیں۔ چند روز میں ان کی مجلسِ شوریٰ کا اجلاس ہو گا۔ اس اجلاس میں حکومت سے مذاکرات کے لیے کوئی ’’پیشگی شرائط‘‘ نہیں رکھی جائیں گی۔ مگر حکومت کو چاہیے کہ اس اجلاس سے ’’مثبت پیغامات‘‘ کو یقینی بنانے کے لیے از خود کچھ ایسے قیدی چھوڑ دے جنھیں کافی برس پہلے گرفتار کیا گیا تھا۔ مگر ابھی تک انھیں عدالتوں کے سامنے مجرم ثابت نہیں کیا جا سکا۔ اس ضمن میں پراچہ صاحب خاص طور پر ان مسلم خان کا ذکر بھی فرماتے ہیں جو کسی زمانے میں سوات کے مولانا فضل اللہ کے ترجمان ہوا کرتے تھے۔
Source :
http://www.express.pk/story/177344/
نصرت جاوید صاحب کے کالم سے اقتباس سے اس پیرا گراف میں نصرت جاوید صاحب نے ہمیشہ کی طرح بہت نپے تلے انداز میں کچھ نا کہنے کے انداز میں بہت کچھ کہ ڈالا – جاوید ابراہیم پراچہ نامی شخص جو سپاہ صحابہ ، لشکر جھنگوی اہل سنت والجماعت کا رہنما ہے اور خود کو طالبان کا نمائندہ بھی کہتا ہے اور یہ شخص نواز شریف کی جماعت کا سابقہ رکن قومی اسمبلی بھی رہا ہے اور ابھی تک نواز لیگ سے تعلق رکھتا ہے – نواز لیگ کے دہشت گردوں سے تعلقات کسی سے ڈھکے چھپے نہیں ہیں – اس بار کے الیکشن میں بھی نواز لیگ نے دو دہشت گردوں کو قومی اسملی کے ٹکٹ جاری کے ہیں جن میں سے ایک تو جیت کر قومی اسمبلی بھی پہنچ چکا ہے –
