Aabpara = ISI

TV network = Geo

Newspaper = Jang

ذرائع ابلاغ کی ساکھ

اعجاز مہر
بی بی سی اردو ڈاٹ کام، اسلام آباد

صدر آصف زرداری نے صحافیوں کو سیاسی اداکار کہا تھا

ججوں کی بحالی کا نوٹیفکیشن واپس لینے کے متعلق غیر مصدقہ خبر کی وجہ سے جو پاکستان میں شور مچا اور جس طرح عوام پریشان رہے، ججوں کی نیندیں حرام ہوئیں اور سیاسی حلقوں میں کھلبلی مچی اس نے ذرائع ابلاغ کی ساکھ کو بے حد دھچکہ پہنچایا ہے۔

یہ ایک عام تاثر بن گیا ہے کہ پاکستان میں میڈیا ایک بے لگام گھوڑے کی طرح ہے جو جب چاہے جہاں چاہے جیسے چاہے اور جسے چاہے روند ڈالے۔

میں گزشتہ دنوں سندھ میں سیلاب کی کوریج کے سلسلے میں لاڑکانہ پہنچا تو وہاں بتایا گیا کہ موئنجودڑو کے قریب بکریاں چرانے والے چند چرواہوں کو ایک اردو ٹی وی چینل کی ٹیم نے کہا کہ وہ دریا کے پانی میں اتریں اور چیخیں چلائیں کہ بچاؤ بچاؤ اور وہ ان کا فوٹیج بناتے رہے۔

چھ جولائی سنہ دو ہزار آٹھ کو جب آبپارہ پولیس سٹیشن کے سامنے خود کش دھماکہ ہوا تو ایک خون میں لت پت پولیس اہلکار کو ایمبولینس میں ڈالا گیا۔ عین اس وقت ایک بڑے ٹی وی چینل کے کیمرہ مین پہنچے اور انہوں نے ریسکیو ورکرز سے کہا کہ ایمبولینس کا دروازہ کھولیں سٹریچر کو پیچھے کھینچیں تاکہ وہ فوٹیج بنا سکیں۔ میں نے ان صاحب سے کہا کہ اگر اس دوران یہ شخص ہلاک ہو جائے تو انہوں نے کہا کہ ’اتنی دیر میں نہیں مرتا، جائیں اپنا کام کریں اور ہمیں اپنا کام کرنے دیں۔‘

دنیا بھر میں اصول ہے کہ جہاں بھی کوئی وقوعہ ہوتا ہے تو پولیس شہادتیں اکٹھی کرنے کی غرض سے متعلقہ علاقے کے گرد پلاسٹک کی پٹی لگاتی ہے اور ماسوائے متعلقہ حکام کے کسی کو اس کے اندر جانے کی اجازت نہیں ہوتی۔ لیکن ہمارے ہاں سب سے پہلے خلاف ورزی ہم صحافی/ کیمرہ مین کرتے ہیں۔ ایسا ہی واقعہ میریٹ ہوٹل میں بم دھماکے کے وقت پیش آیا جب پولیس اہلکاروں نے صحافیوں کو روکا تو جھگڑا ہوگیا اور ہمارے دوستوں نے اظہار رائے کی آزادی پر قدغن کا معاملہ بنا لیا۔
دنیا بھر میں اصول ہے کہ جہاں بھی کوئی وقوعہ ہوتا ہے تو پولیس شہادتیں اکٹھی کرنے کی غرض سے متعلقہ علاقے کے گرد پلاسٹک کی پٹی لگاتی ہے اور ماسوائے متعلقہ حکام کے کسی کو اس کے اندر جانے کی اجازت نہیں ہوتی۔ لیکن ہمارے ہاں سب سے پہلے خلاف ورزی ہم صحافی/ کیمرہ مین کرتے ہیں۔ ایسا ہی واقعہ میریٹ ہوٹل میں بم دھماکے کے وقت پیش آیا جب پولیس اہلکاروں نے صحافیوں کو روکا تو جھگڑا ہوگیا اور ہمارے دوستوں نے اظہار رائے کی آزادی پر قدغن کا معاملہ بنا لیا۔

بالکل اِسی طرح سنہ دو ہزار آٹھ کے انتخابات کے بعد جب حکومت سازی کے لیے میل ملاقاتیں چل رہی تھیں تو زرداری ہاؤس اسلام آباد سے جب مخدوم امین فہیم آصف علی زرداری سے مل کر نکلے تو میڈیا والوں نے ان کی گاڑی کو روکنا چاہا لیکن وہ چلے گئے۔ ایک بڑے ٹی وی چینل کے سینیئر صحافی نے وہاں سے براہ راست اپنا ‘بیپر’ دیا کہ ’ہمیں زرداری ہاؤس کے ذرائع نے بتایا ہے کہ مخدوم امین فہیم کا معاملہ طے نہیں ہوسکا اور وہ غصے میں واپس چلے گئے اور کھانا بھی نہیں کھایا۔‘

دیکھتے ہی دیکھتے وہاں موجود تمام ٹی وی چینلز کے نمائندوں نے بھی وہی بات رپورٹ کرنا شروع کر دی۔ چند منٹ کے اندر مخدوم امین فہیم نے اس بڑے ٹی وی چینل کو فون کیا اور کہا کہ ’آپ بہت غلط رپورٹ چلا رہے ہیں۔ میری آصف علی زرداری سے اچھے ماحول میں بات ہوئی اور کھانا کھانے کے بعد ہی میں وہاں سے نکلا ہوں اور کوئی اختلاف نہیں ہیں۔

میں نے یہ خبر دینے والے سینیئر صحافی سے پوچھا کہ آپ تو ہمارے ساتھ کھڑے ہیں زرداری ہاؤس کے کسی ملازم سے آپ کی بات ہوئی اور نہ کوئی فون آیا، آپ نے یہ خبر کیسے نشر کروا دی۔ وہ ہنسے اور کہا کہ ’ان کے ساتھ ایسا ہی کرنا پڑتا ہے۔ دیکھا کیسے مخدوم صاحب نے خود فون کرکے اصل صورتحال بتائی۔ ہم اُسے فون کر رہے تھے تو ان کا نمبر ہی بند تھا۔ یہی طریقہ ہے اس طرح کے لوگوں کو ٹھیک کرنے کا۔‘

یہ نہیں کہ بی بی سی اور اس جیسے بڑے بین الاقوامی ادارے اس سے مستثنیٰ ہیں۔ تمام تر ’ایڈیٹوریل چیکس‘ کے باوجود ان سے یعنی ہم سے بھی غلطیاں ہوتی ہیں۔ پاکستان میں چینلز پر لگاتار چلنے والے ٹکرز اور صحافی حلقوں میں ہونے والی گفتگو کبھی کبھی ایسا ماحول پیدا کر دیتی ہے کہ سچی خبر نکالنے کے لیے جو بنیادی شرائط کتابوں میں پڑھی ہیں وہ نظر انداز ہو جاتی ہیں اور وہ ہی غلطی ہو جاتی جس کے خلاف آواز اٹھاتے ہیں۔

کسی بھی خبر کی سچائی جاننے کے لیے اس کی ’سورس‘ یا منبع تک پہچنا چاہیئے، اس سے بات کرنا چاہیئے اور اگر بہت مشکل نہ ہو تو اسکا براہِ راست حوالہ دینا چاہیئے۔ کبھی کبھار شہر میں پھیلی خبر کو ہی سچائی مان کر چلا دیا جاتا ہے جو کہ بعد میں سب کے لیے شرمندگی کا باعث بنتی ہے، کم از کم ان کے لیے ضرور جو یہ غلطی اکثر نہیں کرتے۔ یہ صحافیانہ نا انصافی ہے اور اسے مان لینا اپنے آپ کو نیچا دکھانا ہر گز نہیں ہے۔

پاکستان میں چینلز کے اینکر پرسنس بھی کبھی سیاستدانوں کو مرغوں کی طرح لڑانے کی مشق کرتے ہیں تو کبھی کسی کی پگڑی اچھالنے سے لے کر آئین کی تشریح تک کا تمام کام بھی خود ہی سرانجام دیتے ہیں۔ ایسا ہی حال ہمارے بیشتر تجزیہ کار اور تبصرہ نگاروں کا ہے جو کبھی اپنی خواہشات کو خبر یا تجزیہ بنا کر پیش کرتے ہیں تو کبھی ‘آبپارہ کی فرمائش‘ کو

http://www.bbc.co.uk/urdu/pakistan/2010/10/101018_media_responsibility_analysis_as.shtml