پاکستان کے قبائلی علاقے شمالی وزیرستان میں فوجی حکام کے مطابق سکیورٹی چیک پوسٹ پر ہونے والے خودکش حملے میں سترہ سکیورٹی اہلکار ہلاک ہو گئے ہیں۔

اس سے پہلے سنیچر کو حکام نے چیک پوسٹ پر حملے میں پانچ اہلکاروں کی ہلاکت کی تصدیق کی تھی۔ اس سے پہلے سنیچر کو حکام نے چیک پوسٹ پر حملے میں پانچ اہلکاروں کی ہلاکت کی تصدیق کی تھی۔ اتوار کو پاکستانی افواج کے شعبہ تعلقات عامہ آئی ایس پی آر کے ایک مختصر بیان کے مطابق شمالی وزیرستان میں قائم چیک پوسٹ پر خودکش حملے میں سترسکیورٹی اہلکار ہلاک ہو گئے۔

اطلاعات کے مطابق یہ خودکش حملہ شمالی وزیرستان کے صدر مقام میرانشاہ کے قریب قائم ایشا چیک پوسٹ پر ہوا اور اس میں سکیورٹی اہلکاروں کے زخمی ہونے کی بھی اطلاع ہے۔

مقامی افراد کا کہنا ہے کہ حملے کے بعد سکیورٹی فورسز نے علاقے کو گھیرے میں لے لیا ہے۔ شمالی وزیرستان میں اس سے پہلے بھی سکیورٹی فورسز پر حملے ہو چکے ہیں۔

رواں ماہ جنوری میں شمالی وزیرستان میں فوج کے ایک قافلے پر ریموٹ کنٹرول بم حملے میں چودہ سکیورٹی اہلکار ہلاک اور اکیس زخمی ہو گئے تھے۔

Source :

http://www.bbc.co.uk/urdu/pakistan/2013/03/130324_waziristan_attack_zz.shtml

 

 https://lubpak.com/archives/254025

https://lubpak.com/archives/226012

https://lubpak.com/archives/253117

https://lubpak.com/archives/251395

https://lubpak.com/archives/249231

https://lubpak.com/archives/248307

 

Comments

comments