When Bhutto Comes to mind- by Hasan Mujtaba
بھٹو کہاں سے آئے
پتہ نہیں کیوں، جب دریاؤں اور آنسوؤں کے بند ٹوٹ جاتے ہیں تو پاکستان کے اکثر لوگوں کو ذوالفقعار علی بھٹو یاد آتے ہیں۔۔۔
انیس سو بہتر کے سُپر سیلابوں میں ماؤ کیپ پہنے فضا سے ہیلی کاپٹروں کے شیشوں سے غم کی تصویر بنے بھٹو، پانیوں میں دور دراز خس و خاشاک ہوتی بستیوں میں انسانوں کو بچانے کے مشن میں خود زمین پر متاثر لوگوں کے درمیاں دن رات موجود بھٹو۔ جیسا کہ سفید لمبے بالوں والا یہ شخص کوئی خواجہ خضر ہو جس کا کام لوگوں کو مصائب و موت سے نکالنا ہو۔ کم از کم انیس سو بہتر کے سپر سیلابوں میں تو بھٹو نے یہی کیا تھا۔
اطالوی صحافی اوریانا فلاسی نے تب انہیں دیکھ کر لکھا تھا: ‘میں نے بھٹو کو سیلابوں کے مارے ہوئے لوگوں کی مصائب پر روتے دیکھا’۔
اور اب جب پاکستان میں سُپر فلڈ آئے ہوئے ہیں جس سے تقریباً دس لاکھ لوگ متاثر ہوئے اور سینکڑوں پانیوں میں تنکوں کی طرح بہہ گئے۔ پختون خواہ میں نوشہرہ سے لے کر بلوچستان میں نوشکی تک اور پنجاب میں لودھراں سے لے کر سندھ تک انسانی دہشت گردی کے مارے ہوئے لوگ اب قدرت کی دہشت گردی کا شکار ہیں۔ بستیاں کھلونوں کی طرح اور انسان و جانور گھاس کوڑے کی طرح بہتے جا رہے ہیں تو حمکران ‘پتلی گلی’ کی تلاش میں ہیں۔
انہیں خود جان کے لالے پڑے ہیں تو وہ بھٹو کیسے بنیں گے۔ وہ اپنے ارد گرد حفاظتی بند مضبوط کریں یا دریاؤں کے گرد؟ اب بھٹو کا نظریہ نہیں، ‘جان بچاؤ مال بناؤ’ کا اصول چلتا ہے۔
سندھ میں تو حکومت نے کچے کے علاقوں میں پھنسے لوگوں کو نکالنے سے معذرت کرلی کہ لوگ ‘اپنی مدد آپ کے تحت’ خود نکل آئيں۔ سندھ کے وزیر اعلیٰ بچاؤ بند پر گۓ تو پر ایسے کہ ‘کیجو نظارہ دور دور سے’۔
اس ملک کے لیے کیا کہا جا سکتا ہے جہاں زلزلے کے متاثرین کے لیے آنے والے کمبل ‘راجہ بازار’ میں پہلے پہنچ جاتے ہوں۔
Source; BBC Urdu
Advocating Mr. President’s visit to France and UK as head of the state is right, but as a CO-Chairman of the People’s party, who is claiming to stand with the people in difficult times, he cant be defended for his absence among the people…The appropriate way to launch Bilawal was to do it in a Camp of the flood victims among the people…but diplomacy won, people’s party lost
aliarqam,
You are absolutely right !
Irony is that banned outfits like LeT/JuD are busy in relief work and in return they’ll be having more youths recruits who can be easily brain-washed to become suicide-bombers !