Abass Athar sahib analysis of Shahbaz Sharif’s Punjab Government .
http://www.express.com.pk/epaper/PoPupwindow.aspx?newsID=1101186918&Issue=NP_KHI&Date=20110309&sms_ss=facebook&at_xt=4d78c1730b31514c%2C0

Punjab Chief Minister Shahbaz Sharif’s recent statement about involving the army and the judiciary to “discuss a strategy to steer the country out of the current situation” has come in for a lot of criticism. Mr Sharif had apparently suggested this to Prime Minister Gilani on PML-N chief Nawaz Sharif’s advice. Mr Shahbaz Sharif said, “The need for unity, solidarity and national harmony in the current situation is greater than ever before. Collective efforts are needed to resolve the problems faced by the country.” PPP members like federal Law Minister Babar Awan and Punjab Assembly’s Opposition leader Raja Riaz have said that Mr Sharif wants a judicial martial law in the country. As far as reports suggest, dubbing Mr Sharif’s remarks as asking for a judicial martial law is a non sequitur. After the military coup by General Pervez Musharraf in 1999 against the PML-N’s government, it is highly unlikely that the PML-N would want the khakis back in power.

Najam Sethi writes

Share
نو فلائی زون…نجم سیٹھی

قومی معاملات میں بہتری لانے کے لیے مسٹر شہباز شریف نے ایک یگانہٴ روزگار تدبیر پیش کی ہے کہ ملک کے تمام کرتا دھرتا بشمول عدلیہ، فوج اور میڈیا سیاسی رہنماؤں کے ساتھ مل کر قومی اتفاقِ رائے تشکیل دیں، یعنی وہ کبوتروں کے سنگ ایک بلی، بلکہ تین بلیاں ایک پنجرے میں پالنا چاہتے ہیں۔ بہت خوب! یہ تجویز اُس پارٹی کی طرف سے آئی ہے جس نے 1998 میں سپریم کورٹ پر چڑھائی کردی کہ اسے پاکستان مسلم لیگ نواز کی فردِ واحد کی حکمرانی کے خلاف عدلیہ کی آزادی کی بات کرنے کی جرأت کیوں کر ہوئی، قومی معاملات پر صلاح مشورے کے لیے نیشنل سیکورٹی کونسل بنانے کا مطالبہ کرنے پر اُس وقت کے آرمی چیف کو برطرف کر دیا اور حکومت کی بدعنوانی کو منظر عام پر لانے کے لیے میڈیا کو خاموش کرانے کی کوشش کی۔
بظاہر تو یہ تجویز معقول دکھائی دیتی ہے کیونکہ ملک میں پھیلی ہوئی سیاسی طوائف الملوکی اور معاشی زبوں حالی فوری اور جاندار اقدام کی متقاضی ہے کہ معاملات کو درست کیا جائے قبل اس کے کہ دیر ہوجائے۔ حقیقت یہ ہے کہ ہمیں گمبھیر صورتِ حال کا سامنا ہے اور ملک کی یکجہتی کو علاقائی، لسانی، مذہبی، نسلی اور طبقاتی تقسیم کی بھینٹ اس طرح چڑھادیا گیا ہے کہ جزئیاتی اکائیاں کُل سے زیادہ اہم ہوچکی ہیں۔ کوئی ایک سیاسی جماعت یا سیاسی رہنما ملک کے تمام افراد سے نہ تو مخاطب ہونے کی جرأت کر سکتا ہے اور نہ ہی وہ اُس کی بات سننے کے لیے تیار ہیں۔سب نے اپنی ڈیڑھ اینٹ کی الگ مسجد بنا رکھی ہے۔
لیکن سوال یہ پیدا ہوتا ہے کہ یہ خیال اس وقت کیوں سوجھا؟ بمشکل ایک ہفتہ پہلے، شریف برادران پی پی پی کو پانچ سال پورے کرنے کے لیے سیاسی و معاشی اصلاحات پر مبنی دس نکاتی ایجنڈ ے کے تحت مخلص، ایماندار اور باصلاحیت افراد پر مشتمل حکومت کی تشکیل کے لیے45 روزہ الٹی میٹم سے ایک دن بھی زیادہ دینے کے روادار نہیں تھے۔ کون سی حکومت مناسب نظام کی غیر موجودگی اورمیڈیا اور عدلیہ کی مشکوک جانبداری کے ہوتے ہوئے بدعنوانی کا الزام لیے بغیر کرپشن کے غبار میں اٹے ہوئے محکموں کو نجی تحویل میں دے سکتی ہے؟ کون سی حکومت سینکڑوں، ہزاروں ملازمین کو یک جنبشِ قلم برطرف کر سکتی ہے، یا جب الیکشن سر پر منڈلا رہے ہوں، یا خزانہ خالی ہو تو اُن کو گولڈن ہینڈ شیک دینے کی ہمت کرسکتی ہے؟کون سی حکومت شریف برادران اور عدلیہ کا من پسند چیئرمین نیب لا سکتی ہے، جوپی پی پی کے رہنماؤں کو جیل میں ڈال دے اور حکومت کا بستر گول کر دے؟
کہیں ایسا تو نہیں کہ شریف آنے والے طوفان، جو اُن کو پی پی پی سمیت بہا کر لے جائے ، کے خوف سے اپنے آپ کو تحفظ دینے کے لیے کچھ سیاسی پوائنٹ اسکور کر رہے ہیں اور اس کے ساتھ ساتھ اُن طاقتوں کو بھی اعتدال میں رکھنے کی کوشش کر رہے ہیں جو اس صورتِ حال کا فائدہ اٹھا سکتی ہیں؟ بہت سے پی پی پی اور مسلم لیگ نواز مخالف عناصر ملک میں سر اٹھا رہے ہیں اور لوگ بھی اب برملا کہنے لگے ہیں کہ ان دونوں سیاسی جماعتوں میں سے کو ئی بھی حکومت کرنے کی صلاحیت نہیں رکھتا کیونکہ یہ دونوں بدعنوان اور نااہل ہیں۔ کسی نجات دہندہ ”جنرل“جو عدلیہ کا حمایت یافتہ ہو، کی بات بھی ہو رہی ہے کہ وہ خونیں آپریشن کے ذریعے تمام ناسور کو نکال دے مگر عوامی سوچ کے آئینہ خانے میں ایسا نقش ابھر رہا ہے کہ ”نجات دہندہ“ کو ذاتی احسانات کے لبادے کو چاک کر کے قومی ترجیحات کو اپنی توجیہات بنانا ہوگا۔

شہباز شریف کی غیر معمولی تجویز اتنی بھی گنجلگ نہیں ہے کہ اس کے مضمرات افشا نہ ہوسکیں۔ اس کا پہلا مقصد تو پی پی پی اور زرداری مخالف تما م قوتوں کو یکجا کر کے موجودہ حکومت کو مجبور کرنا ہے کہ ایسی معاشی اصلاحات نافذ کریں جو اسے عوام میں غیر مقبول کردیں اور اگلی حکومت، جو غالباً مسلم لیگ نواز کی ہوگی، کو ان کے نفاذ کا عوام دشمن فیصلہ نہ کرنا پڑے۔ دوسری وجہ اور بھی خطرناک ہے، اگر صدر زرداری اور پی پی پی کے دوسرے رہنما ججوں اور جرنیلوں کو سیاسی فیصلوں کا اختیار دے دیں تو یہ ایک طرح سے اپنی سیاسی موت کے پروانے پر دستخط کرنے کے مترادف ہوگا۔ تیسری اور سب سے اہم وجہ جو غالباً شریف برادران کے ذہن میں ہو گی ، وہ یہ ہے کہ اگر عدلیہ اور فوج کو سیاسی معاملات میں گھسیٹ لیا جائے اور وہ اسی سیاسی کھینچا تانی کا حصہ بن جائیں تو شاید اگلے انتخابات میں ” شریف حکومت“ مسند اقتدار پر فائز ہو سکے۔ کس طرح دونوں متحرک قوتیں سیاسی عمل میں شریک ہوکر کوئی اتفاق ِ رائے تشکیل دینے میں معاونت کریں گی، آگ اور پانی کا ملاپ کیسے ہو گا۔ اور پھراس بات کی کیا گارنٹی ہے کہ ایسی مزید قوتیں سیاسی عمل میں نہیں کود پڑیں گی؟
بلاشبہ یہ شہباز شریف کی خطابانہ فصاحت ہے اور مسٹر نواز شریف بڑی سمجھ داری سے کام لیتے ہوئے منظر عام سے دور ہیں، تا کہ جب اُن کا وقت آئے تو وہ فوج کو سیاست سے دور رکھنے اور ملک کے بچاؤ کے لیے مداخلت کرنے کے اقدام کی مخالفت کر سکیں۔ لیکن اربابِ سیاست اتنے بھی نا سمجھ نہیں ہیں، وہ اپنا فائدہ اور نقصان جانتے ہیں۔ مسٹر زرداری ججوں اور جرنیلوں کو دعوت دینے والے نہیں ہیں دوسری طرف جج اور جرنیل بھی ایسی کسی تجویز پر عمل کرکے اپنے وقار کو داوٴ پر کیسے لگا سکتے ہیں؟
الغرض اس تجویز پر کوئی عمل کرنے والا نہیں ہے اور شاید اسے پیش کرنے والے بھی اس حقیقت کو جانتے ہیں۔ مگر اس ملک کے مخلص اور سادہ لوح افراد اسے پی ایم ایل (ن) کا ایک حب الوطنی پر مبنی، قوم کی مختلف مشکلات کو حل کرنے کے لیے، ایک درست اقدام قرار دیں گے اور اس کی مخالفت پی پی پی کے لیے مزید عوامی دوری کا باعث بنے گی۔

http://search.jang.com.pk/details.asp?nid=512296