Please do not conisder me an anti-ppp person. I am regular voter for the party. In the current dark scenario that is being painted, the party supporter is getting affected. Shah Mehmood may have been the evilest person, but at least he was a soft face of Pakistan. It is also possible that PM may have orchestrated his removal as now the PM is facing all accusations and everything is leading to his house. Maybe he ensured that he continues as PM and at the same time clip the wings of a contender.

I agree with the author, this could have been better managed.

بڑھتے ہوئے زرداری قریشی اختلاف

صدر زرداری نے شاہ محمود کو وزارتِ خارجہ دینے کے بجائے وزارت پانی و بجلی دینے کی پیشکش کی تھی

پاکستان کے سابق وزیر خارجہ شاہ محمود قریشی کے اپنی جماعت حکمران پیپلز پارٹی کی قیادت سے اختلافات بڑھ رہے ہیں اور نئی کابینہ کے کئی وزراء انہیں ’فاروق لغاری‘ ثابت کرنے پر تُلے ہوئے ہیں۔

شاہ محمود قریشی اور صدر آصف علی زرداری کے درمیاں اختلافات پہلی بار میڈیا کو بھنک اس وقت پڑی جب گزشتہ جمعہ کو نئی کابینہ کی حلف برداری کی تقریب ایوان صدر میں تاخیر سے شروع ہوئی۔

پروگرام کے مطابق تئیس وزراء کو حلف دینے کے لیے کرسیاں لگائی گئیں اور حلف برداری کی تقریب مقررہ وقت سے پچیس منٹ تاخیر سے شروع ہوئی۔ جس کی وجہ شاہ محمود قریشی کا عین وقت پر حلف لینے سے معذرت کرلینا بتائی گئی۔

صدر آصف علی زرداری نے وزارت خارجہ شاہ محمود کو دینے کے بجائے انہیں وزارت پانی و بجلی کا محکمہ دینے کی پیشکش کی جو شاہ محمود قریشی نے ٹھکرادی۔ بعد میں شاہ محمود قریشی سے منسوب یہ بیان سامنے آیا کہ انہیں لاہور میں دو پاکستانی شہریوں کو قتل کرنے والے امریکی اہلکار ریمنڈ ڈیوس کو سفارتی استثنیٰ کی تصدیق میں رکاوٹ ڈالنے کی وجہ سے صدر زرداری وزیر خارجہ بنانا نہیں چاہتے۔

جس کے جواب میں وزیر اطلاعات ڈاکٹر عاشق فردوس اعوان، وزیر قانون بابر اعوان، سابق وفاقی وزیر راجہ پرویز اشرف اور بعض دیگر پیپلز پارٹی کے رہنماؤں کے بیانات آئے کہ بینظیر بھٹو کے قتل کیس میں پرویز مشرف کے عدالت کی جانب سے گرفتاری وارنٹ جاری کرنے پر شاہ محمود قریشی نے کابینہ میں شمولیت نہیں کی۔

وزیر قانون بابر اعوان، سابق وفاقی وزیر راجہ پرویز اشرف اور بعض دیگر رہنماؤں نے شاہ محمود قریشی کو ’فاروق لغاری‘ قرار دیا

انہوں نے شاہ محمود قریشی کو ’فاروق لغاری‘ قرار دیا اور انہیں یاد دلایا کہ وہ ان کا حشر یاد رکھیں۔ مرحوم سردار فاروق لغاری کو بینظیر بھٹو نے صدرِ پاکستان بنایا اور انہوں نے بعد میں اختلافات کی وجہ سے اپنی ہی جماعت پیپلز پارٹی کی حکومت کو بدعنوانی اور نا اہلی کے الزمات میں برطرف کرتے ہوئے انیس سو چھیانوے میں اسمبلی توڑ دی۔

بعد میں فاروق لغاری پرویز مشرف کی بنائی ہوئی مسلم لیگ (ق) میں شامل ہوئے اور سنہ دو ہزار آٹھ کے انتخابات میں بمشکل رکن قومی اسمبلی منتخب ہوسکے۔ جب وہ فوت ہوئے تو ان کے جنازہ نماز میں کوئی نمایاں سیاسی لیڈر شریک نہیں ہوئے۔

شاہ محمود قریشی کو وزارت خارجہ سے اس وقت ہٹایا گیا ہے جب بھارت نے پاکستان سے مذاکرات بحال کرنے کا اعلان کیا ہے۔ لیکن دوسری طرف امریکہ سے ریمنڈ ڈیوس کی گرفتاری کے معاملے پر تعلقات کشیدہ ہوگئے ہیں۔ تاحال کسی کو وفاقی وزیر خارجہ نہیں بنایا گیا مگر امور چلانے کے لیے حنا ربانی کھر کو وزیر مملکت مقرر کیا گیا ہے۔

پیر کو شاہ محمود قریشی سے رابطہ کرکے جب ان کا موقف جاننا چاہا تو انہوں نے کہا کہ ’ابھی میرے پاس مہمان بیٹھے ہیں اور میں بات نہیں کرسکتا۔۔ آپ بعد میں فبن کیجئے گا‘۔ لیکن بعد میں جب ان سے رابطہ کیا گیا تو کوئی جواب نہیں ملا۔

پیپلز پارٹی کے ایک سابق وفاقی وزیر نے بتایا کہ بہت سارے معاملات میں شاہ محمود قریشی ’ایوان صدر کی رائے پر آبپارہ والوں کی رائے کو ترجیح دیتے تھے‘۔ حکمران پیپلز پارٹی کے موجودہ وزراء سمیت کئی سرکردہ شخصیات یہ سمجہتی ہیں کہ شاہ محمود قریشی بھی پیپلز پارٹی چھوڑنے کے بعد غلام مصطفیٰ کھر، ممتاز بھٹو، حفیظ پیرزادہ، فاروق لغاری کی طرح سیاسی تنہائی کا شکار ہوجائیں گے۔

http://www.bbc.co.uk/urdu/pakistan/2011/02/110214_shah_mahmood_analysis_si.shtml

Well MBB was a queen and no one dare say a word in front of her. Zardari on the other hand allows all to speak and say what not. Though Zardari is the leader, it seems some elements in the second tier leadership want to ensure that in a minus zardari sceanrio they are the chosen ones being right there at the right time.
Bad management overall.

it would have been better on the part of SMQ not 2 issue a statement on Davis case after his exclusion 4m the cabinet. mr.zardari has da prerogative 2 replace him as the FM.afterall, its the party leadership that nominated him our FM in the first place. this issue could have been handled in a better way. i think ppp seriously needs a strong and vibrant media cell 2 defend its leadership and party policies.moreover, party seems 2 lack discipline.it needs 2 be organised on urgent basis 4 the next elections

am requesting to fozia wahab what is raymond davious to u when and where u met him 1st time. you are protecting him strongly. you can protect but nation can’t because he is a killer. he killed three pakistani persons. he is ambessidor he has ammonity to kill pakistani people. if u are going to release him and other people have the lesson of do same activites because they have the ammunity even to flert with foziz wahab.

Share
معاملہ کچھ اور ہے..سویرے سویرے…نذیر ناجی

وزیرخارجہ کی علیحدگی کے بعد‘ سیکرٹری خارجہ جناب سلمان بشیر نے ایک سوال کے جواب میں کہا کہ ”اگر میں کوئی غیراخلاقی کام کروں گا‘ تو میں امیونٹی نہیں مانگوں گا۔“ کل 14 فروری کو انہوں نے امریکی سفیر سے کہا کہ ”ریمنڈ کا معاملہ عدالت میں ہے اور پاکستان عدالت کا فیصلہ آنے تک ریمنڈ کے حوالے سے کوئی دباؤ قبول نہیں کرے گا۔“ انہوں نے یہ کہہ کر امریکی سفیر کیمرون منٹر کا احتجاج مسترد کر دیا۔ اگر سابق وزیرخارجہ شاہ محمود قریشی کا یہ موقف تسلیم کر لیا جائے کہ وہ ریمنڈ کی سفارتی حیثیت تسلیم کرنے کے حق میں نہیں تھے‘ اس لئے انہیں وزارت خارجہ سے ہٹایا گیا‘ توسلمان بشیر کا تبادلہ بھی ابھی تک کسی دوسری وزارت میں کیا جا چکا ہوتا کیونکہ انہوں نے بھی ریمنڈ کے لئے سفارتی امیونٹی کا امریکی موقف مسترد کرتے ہوئے‘ عدالتی کارروائی کے حق میں رائے دی اور وہ چونکہ سرکاری ترجمان کی حیثیت رکھتے ہیں‘ اس لئے حکومت کا موقف بیان کرتے ہیں۔ اگر حکومت کا موقف وہی ہے‘ جو سلمان بشیر نے بیان کیا‘ توشاہ محمود قریشی دوبارہ وزارت نہ ملنے کی جو وجہ بتا رہے ہیں‘ وہ درست ثابت نہیں ہوتی۔ کیونکہ حکومت نے جو پالیسی اختیار کی‘ اس میں تو شاہ محمود قریشی کے موقف کی تردید نظرنہیں آتی۔ دوسری بات یہ کہی جارہی ہے کہ شاہ محمود قریشی کو اگر اختلاف تھا‘ تو استعفیٰ دے کر عوام کے سامنے آتے اور اپنا وہی موقف بیان کرتے‘ جو وہ نکالے جانے پر کر رہے ہیں۔ ٹی وی پر ایک مبصر نے وزارت نہ ملنے کے بعد بیان کے جواز میں کہا کہ” وہ ڈسپلن کے پابند تھے‘ اب وزارت میں نہیں ہیں تو انہوں نے اپنا موقف بیان کر دیا۔“ اس دلیل میں یقینا وزن ہوتا‘ اگر انہوں نے استعفیٰ دینے کے بعد یہ بات کہی ہوتی۔ انہوں نے استعفیٰ نہیں دیا۔ وزارت خارجہ نہ ملنے پر احتجاجاً دوسری وزارت نہیں لی۔ اس کا اعتراف بھی وہ متعدد بار یہ کہتے ہوئے کر چکے ہیں کہ ”میرا قصور بتایا جائے؟“ گویا وہ تو اب بھی وزارت لینے کو تیار تھے۔ اگر وزارت خارجہ مل جاتی‘ تو وہ اسی تنخواہ پر کام کرتے۔ الیکشن کمیشن کے ایک سابق عہدیدار کنور دلشاد نے حکومت کو انتباہ کیا ہے کہ ”مستعفی وزیرخارجہ کا رویہ 1966ء کی تاشقند کانفرنس کے وقت ذوالفقار علی بھٹو سے بہت زیادہ مماثلت رکھتا ہے۔ اگر انہیں دوبارہ وزارت دے کر ان کی کردار کشی بند نہ کی گئی‘ تو اس کے منفی اثرات مرتب ہوں گے۔“اس بیوروکریٹک ارشاد عالیہ کے علاوہ دیگر کئی مبصرین بھی شاہ محمود قریشی میں سے بھٹو نکالنے کی کوشش کر رہے ہیں۔ اس کا فوری جواب تو یہ ہے کہ وہ ناہید خان یا صفدر عباسی تو بن سکتے ہیں‘ بھٹو بننے کے لئے جو کچھ درکار ہے‘ وہ ان کے پاس نہیں۔ پہلی بات تو یہ ہے کہ انہیں 1966ء کے حالات دستیاب نہیں۔ دوسرے حکومت نے ایوب خان کی طرح دشمن کے سامنے جھک جانے کا کوئی اشارہ نہیں دیا۔ جبکہ فیلڈ مارشل نے تو معاہدہ تاشقند پر دستخط کر دیئے تھے‘ جس کے نتیجے میں پاکستان تنازعہ کشمیر کو سلامتی کونسل میں زیربحث لانے سے محروم ہو گیا۔ بھٹو نے ایک ایسے فیصلے کے خلاف احتجاج کیا تھا‘ جو دنیا کے سامنے تھا اور جس کی دستاویز ریکارڈ کا حصہ بن چکی تھی۔ کوئی یہ نہیں کہہ سکتا تھا کہ بھٹو نے غلط بیانی کی ہے۔ دوسرے یہ کہ انہوں نے وزارت کے اندر رہتے ہوئے بھی ڈسپلن کی خلاف ورزی کئے بغیر‘ معاہدے سے اپنے اختلاف کا اظہار کر دیا تھا‘ وہ اس طرح کہ انہوں نے معاہدے کی تقریبات میں نہایت بے دلی اور بے رخی سے حصہ لیااور دنیا بھر سے تاشقند آئے ہوئے اخبارنویسوں نے جب ان کی رائے مانگی‘ تو وہ کبھی خاموش رہے‘ کبھی طنزیہ مسکراہٹ میں جواب دیا اور کبھی نو کمنٹس کہا۔ اس پر پاکستان ہی نہیں کم و بیش دنیا کے ہر اخبار میں یہ تبصرے شائع ہوئے کہ پاکستان کے وزیرخارجہ اس معاہدے پر خوش نظر نہیں آرہے تھے۔ واپس پاکستان آ کر بھی انہوں نے وزارتی سرگرمیوں میں حصہ نہیں لیا۔ جس پر ایوب خان کو مجبوراً ان سے استعفیٰ مانگنا پڑا اور وہ بغیر نعرے بازی اور احتجاجی اعلانات کے لاڑکانہ جانے کے لئے ٹرین میں بیٹھ گئے۔ باقی کام عوام نے خود کیا۔ ٹرین جس ریلوے سٹیشن پر پہنچتی‘ عوام کا جم غفیر ان کے والہانہ استقبال کے لئے موجود ہوتا اور لاہور میں تو اتنا بڑا استقبال ہوا جو قومی تاریخ میں کسی سیاسی لیڈر کا نہیں ہوا تھا اور ان استقبالیہ ہجوموں سے بھی انہوں نے کوئی فریاد کرتے ہوئے یہ نہیں کہا کہ ”میرا قصور کیا تھا؟ مجھے کیوں نکالا گیا؟“ وہ تقریروں میں اپنے انقلابی خیالات کا اظہار کرتے رہے۔ اس کے بعد جدوجہد کی ایک طویل تاریخ ہے۔ کنور دلشاد کی رائے کے مطابق اگر قریشی صاحب بھٹو بن سکتے‘ تو صحافیوں کے بجائے براہ راست عوام کے درمیان جاتے۔ ہو سکتا ہے عوام انہیں بھی‘ بھٹو کی طرح سر آنکھوں پر بٹھا لیتے۔ مگر ایسا تو نہیں ہوا اور نہ ہوتا ہوا نظر آ رہا ہے۔ورنہ بھٹو بننے کا راستہ ہمیشہ اور سب کے لئے کھلا ہے۔ پھانسی کا پھندا بنانے میں دیر کتنی لگتی ہے؟

http://search.jang.com.pk/details.asp?nid=506314

Shah Mehmood Qureshi with Senator John Kerry on Controversial Kerry Lugar Bill http://www.youtube.com/watch?v=YDg5lbnd0U0

Shah Mehmood Qureshi on Kerry Lugar Bill
http://www.youtube.com/watch?v=B04pL0A3Lb4

To me, Mr Mahmood’s statement seemed well rehearsed dialogue spoken during a TV drama. Good theatrics!!

The question is who were the two who got shot? Did they have a criminal record? Were they working under cover? Is it true that they robbed someone of cell phones prior to confronting Davis?

Another question is did Davis act in self defence? Robberies and kidnappings, car jacking, etc. are common occurences in that part of the world so who knows?

The last question is to determine whether Davis had diplomatic immunity or not. If not now, what to do given the circumstances we are in vis a vis the US (living off US and IMF aid? If we were Iran having lot of oil we could have taken a stand and told the US to buzz off!! However we have been rescued from bankruptcy by the US and we can’t afford messing things up bad.

As some say accept offer of compensation from the US and let the man go. By the way, what happened to those who ran over a padestrian while coming to rescue Davis??

شاہ محمود قریشی اور جان کیری کی پریس کانفرنس!…روزن دیوار سے…عطا الحق قاسمی

اس وقت میرا ذہن شاہ محمود قریشی اور جان کیری کی حالیہ پریس کانفرنس میں ”سینڈوچ“ بنا ہوا ہے تاہم مجھے شاہ محمود قریشی صاحب کی پریس کانفرنس زیادہ دلچسپ محسوس ہوئی۔ قریشی صاحب اس پریس کانفرنس میں خودکو ذوالفقار علی بھٹو سمجھ رہے تھے جنہوں نے معاہدہ تاشقند کے بعد قوم سے اسی انداز میں خطاب کیا تھا اور اس کے نتیجے میں قوم نے ان کو ہاتھوں ہاتھ لیا تھا، مگر ذوالفقار علی بھٹو کی ”وردی“ قریشی صاحب کے جسم کے ماپ کے مطابق نہیں لگ رہی تھی چنانچہ اس ڈھیلی ڈھالی ”وردی“میں وہ الٹا Clown دکھائی دے رہے تھے۔ شاہ محمود قریشی کی سیاست ہمیشہ ہوا کا رخ دیکھ کر متعین ہوتی رہی ہے۔ ریمنڈ ڈیوس کے پیدا کردہ حالیہ ”بحران“ سے پہلے کی ان کی سیاسی زندگی کم و بیش اسی نہج پر گزری ہے جس نہج کا میں نے ابھی ذکر کیا ہے۔ انہوں نے پریس کانفرنس میں ریمنڈ ڈیوس کے حوالے سے اپنے ”اسٹینڈ“ کا ذکر کیا اور وزارت ِ خارجہ سے دستبرداری پر قوم سے داد چاہی مگر میرے ایسے ”شکّی“ القلب لوگ ان کے اس اقدام کو بھی بوجوہ شک کی نظروں سے دیکھ رہے ہیں۔ قریشی صاحب نے اس پریس کانفرنس میں کچھ ایسے بین الاقوامی واقعات کاذکر کیا جس میں انہوں نے پاکستان کے مفادکو ہر چیز پر فوقیت دی۔ میں حیرت سے ان کی باتیں سنتا رہا کیونکہ یہ سب کچھ انہوں نے اپنی ذاتی پالیسی کے تحت نہیں کیا، مگر وہ یہ سب کچھ بھی اپنے کھاتے میں ڈالتے رہے۔کچھ عرصے سے قریشی صاحب کی امیج بلڈنگ ایک مربوط طریقے سے کی جارہی ہیں اور انہیں ایک عظیم مدبر کے طور پر پیش کیا جارہا ہے جبکہ واقف ِ حال لوگوں کا قیاس ہے کہ موجودہ حکومت اکتوبر تک فارغ ہو رہی ہے اور مرغ بادِ نما سیاست دان بھی وقوع پذیرہونے والی اس تبدیلی سے واقف ہیں۔ ہماری اسٹیبلشمنٹ ایک عرصے سے اس کوشش میں مشغول ہے کہ ملک کا وزیراعظم ایسا ہو جس کی ڈوری اس کے ہاتھ میں ہو اور وہ اس کے اشارے پر کٹھ پتلیوں کی طرح ناچے۔ اسٹیبلشمنٹ کو یہ بھی نظر آ رہا ہے کہ آنے والے د ن نواز شریف کے ہیں جن کا راستہ روکنا ضروری ہے کہ یہ شخص بیک وقت امریکی اور پاکستانی اسٹیبلشمنٹ کو ”سوٹ“ نہیں کرتا چنانچہ مذہبی جماعتوں کے اتحاد سے لے کر شاہ محمود قریشی کی امیج بلڈنگ تک کے تمام اقدامات اسی مقصد کیلئے ہیں۔ میں جناب شاہ محمود قریشی صاحب سے معذرت کے ساتھ یہ عرض کرنا چاہتا ہوں کہ لفظوں کو چبا چبا کر بولنے کے باوجود وہ کبھی عوام کو متاثر نہیں کرسکے۔ وہ جب ”شعلہ بیانی“ بھی کرتے ہیں تو ان کی تقریر کاانداز اور اس کے Content کامعیار انٹر کالجیٹ ڈیبیٹ میں کی جانے والی تقریروں سے زیادہ بلند نہیں ہوتا۔ شخصی لحاظ سے بھی وہ ان خوبیوں سے محروم ہیں جو ان کے والد محترم سجاد حسین قریشی کے جاگیردارانہ اور متولیانہ پس منظر کے باوجود ان میں موجود تھیں۔ وہ نہایت وضعدار اور منکسر المزاج انسان تھے۔ اس کے علاوہ علم و ادب کے دلدادہ تھے جبکہ ان خوبیوں سے ”مبر ّا“ ہونے کے ساتھ ساتھ جناب شاہ محمود قریشی نے اپنی پریس کانفرنس میں جو دو اشعار پڑھے وہ دونوں بے وزن پڑھے۔ میرے نزدیک وہ خود بے وزن ہیں لہٰذا اسٹیبلشمنٹ کو ان کی ”قیمت“ ان کے ”وزن“ کے مطابق لگانا چاہئے!
اور جہاں تک امریکی سنیٹر جان کیری کی پریس کانفرنس کا تعلق ہے ، اسے بہت محدود کردیا گیا تھا۔ مجھے اس میں حامدمیر، کامران خان، طلعت حسین، نصرت جاوید، عرفان صدیقی، مجیب الرحمن شامی، انصاری عباسی، ہارون رشید، جاوید چودھری، محمدمالک، کاشف عباسی، سلیم صافی اور بعض دوسرے نمایاں اہمیت کے حامل میڈیا پرسن نظر نہیں آئے۔ اگر کوئی نظر آیا تو میرا ایک اینکر دوست تھا جو پاکستانی سیاستدانوں سے اپنے ٹاک شو میں ان پر اچھل اچھل کر الزامات کے وار کرتا ہے مگر یہاں اس کی آواز حلق میں پھنس گئی تھی اور اپنے ایک مودبانہ سوال سے پہلے اسے ”تشبیب“ کے اس مرحلے سے گزرنا پڑا تھا جس مرحلے سے ماضی کے شعراء کو بادشاہوں سے کچھ طلب کرنے سے پہلے گزرنا پڑتا تھا۔ بہرحال جان کیری کی پاکستان خصوصی آمد اور عمائدین سلطنت، نیز سیاست دانوں سے ملاقاتوں کے علاوہ پریس سے خطاب، میرے نزدیک ایک غیرمعمولی واقعہ ہے کیونکہ یہ سب کچھ ایک قاتل کو بچانے کے لئے کیا گیا اور اس قاتل کی واحد کوالی فکیشن یہ ہے کہ وہ امریکی شہری ہے۔ پاکستان کے بارے میں یہ تاثر قائم ہے کہ پاکستان امریکہ کی ایک نو آبادی ہے جہاں اس کی مرضی کے بغیر پتہ بھی نہیں ہل سکتا۔ حالانکہ ہم لوگ متعدد مواقع پر امریکی ڈکٹیشن کو خاطر میں نہیں لائے۔ ایٹم بم کی تیاری کے مراحل سے لے کر ایٹمی دھماکے تک ہم نے وہی کیا جو ہمارے مفاد میں تھا، ہماری ذلت کا سیاہ دور دراصل نائن الیون کے بعد پرویز مشرف کی بے قیمتی سے شروع ہوتاہے اور اس کے بعد ہماری وفاقی حکومت نے بھی امریکی اطاعت کی بھرپور کوشش کی، فوزیہ وہاب او رحمن ملک نے اس حوالے سے کھلم کھلا بیانات بھی دیئے چنانچہ جان کیری ان تمام امور اور قوم کے اجتماعی ردعمل سے بھی باخبر تھے سو پریس کانفرنس میں ان کا انداز ِ گفتگو بہت عاجزانہ نوعیت کا رہا۔ امریکہ کا رویہ بالکل پھنے خاں ایسا ہوتا ہے۔ وہ مخاطب کو ”یرکانے“ کی کوشش کرتاہے۔ اگر وہ نہ ”یرکے“ تو خود ”یرک“ جاتا ہے چنانچہ جان کیری کے تمام انداز اسی نوعیت کے تھے۔ مجھے لگتا ہے جان کیری پاکستان سے بہت مایوس واپس امریکہ لوٹے ہیں کیونکہ پاکستانی قوم کے کسی بھی طبقے سے انہیں اپنے موقف کے ضمن میں حمایت حاصل نہیں ہوسکی۔ حتیٰ کہ وفاقی حکومت بھی اب اس ”اجماع امت“ کے سامنے بے بس نظر آتی ہے۔ جان کیری اور امریکی حکومت کو معلوم ہونا چاہئے کہ اپنی چھوٹی موٹی کمزوریوں کے باوجود ہم سب اول و آخر پاکستانی ہیں سوائے ان معدودے چند لوگوں کے جو ”اول اول “تو پاکستانی ہوتے ہیں مگر آخر میں امریکی ہو جاتے ہیں…!
اور اب آخری بات… مسلم لیگ(ن) اور ان کی پنجاب حکومت کا بے لچک رویہ، عوامی غیظ و غضب، میڈیا کا پریشر، سب اپنی جگہ لیکن ریمنڈ ڈیوس ان سب عوامل کے باوجودجلد یا بدیر پنجرے سے ”پھر“ کرکے اڑ جائے گا۔ تاہم میں سمجھتا ہوں جتنی مزاحمت پاکستانی قوم نے کی ہے اور دنیا کی واحد سپرپاور امریکہ کو جس طرح اپنی خودمختاری کا جزوی احساس دلایا ہے موجودہ صورتحال میں وہ بھی قابل ستائش ہی نہیں حیران کن بھی ہے۔ خدا کرے ہم امریکہ کی محتاجی سے نکل جائیں تاکہ ہمیشہ اس کی آنکھوں میں آنکھیں ڈال کر بات کرسکیں!
http://search.jang.com.pk/archive/details.asp?nid=506434

A less insulated ski jacket air jordan xiii retro is often jordan shoes women less expensive,air jordan heels but if you are skiing .