ڈاکٹر طاہر القادری اور عمران خان کے انقلاب و آزادی مارچ کے متعلق پاکستانی میڈیا میں بیٹھے نواز شریف کے ہائر کردہ شرلاک ہومزاور ابن صفی کے لازوال جاسوسی دنیا کے کردار علی عمران کی نقالی کرنے والے جاسوس زیادہ اور صحافی کم اینکرز ، تجزیہ نگار اب “لندن پلان ” یا “سازش لندن بر خلاف نواز شریف” پر ایک مکمل کہانی تیار کرچکے ہیں اور اب ان کے پاس اس حوالے سے سنانے کے لیے ایک مکمل سکرپٹ ہے ،جس کے بہت سے خلاء طویل مشوروں کے بعد پر کرلئے گئے ہیں

دیوبندی تکفیریوں کے وفادار اور عالمی وہابی دیوبندی جہاد کے علمبردار صحافی سلیم صافی (جو اندر سے اسقدر گد لے ہیں کہ ان کو صافی کہنا احمقانہ لگتا ہے) اس کہانی کا پہلا باب لکھنے والے قرار دیے جائیں تو کوئی مبالغہ نہیں ہوگا

سلیم صافی کے بقول “لندن پلان ” کا بلیو پرنٹ امریکی سٹیٹ ڈیپارٹمنٹ اور سی آئی اے نے تیار کیا اور اسے کینیڈین حکام کے حوالے کیا – یہ لندن پلان مغربی ملکوں نے پانچ سال پہلے تیار کرلیا تھا اور اس کی بنیادی وجہ مغربی ملکوں کا یہ یقین تھا کہ دیوبندی سلفی انتہا پسند عالمی جہاد پاکستان سے بیٹھ کر چلارہے ہیں اور ان کو روکنے کے لیے ان کا ٹکراؤ سنی صوفی بریلوی اور شیعہ سے کرانا بہت ضروری ہے – بقول سلیم صافی مغربی طاقتوں نے نے یہ کام ڈاکٹر طاہر القادری کے سپرد کردیا اور ڈاکٹر قادری نے اس پلان پر عمل درآمد کرنے کے لیے ایک طرف تو پاکستان میں شیعہ تنظیم مجلس وحدت المسلمین اور سنّی بریلوی تنظیم سنّی اتحاد کونسل کا سہارا لیا اور بعدازاں اس میں چوہدری شجاعت حسین ، چوہدری پرویز الہی بھی شامل ہوگئے- سلیم صافی کے بقول اس کی کچھ کڑیاں جو مل نہیں رہی تھیں وہ جاوید ہاشمی نے ملادیں کہ عمران خان بھی اس پلان میں شامل تھے اور لندن میں ان کی قادری اور چودھری شجاعت سے ملاقات ہوئی تھی

سلیم صافی کا یہ بھی کہنا ہے کہ اس معاملے میں آصف زردای کا ڈبل رول ہے اور ان کے کہنے پر چودھری برداران، قادری کے ساتھ ہوئے اور اب تک ان کے ساتھ ہیں

اس “لندن سازش ” کا ایک اور باب نجم سیٹھی صاحب کے کالم اور ان کی جیو کے پروگرام “آپس کی بات” چھ ستمبر میں کی جانے والی گفتگو اور دیگر پروگراموں میں ان کے پیش کئے جانے والے تجزیوں سے ہمارے سامنے آتا ہے

نجم سیٹھی “لندن سازش یا لندن پلان ” کا خالق بنیادی طور پر پاکستان کی ملٹری کے بعض جرنیلوں (پانچ کور کمانڈرز ، سابق و موجودہ ڈی جی آئی ایس آئی ) کوبتلاتے ہیں جنھوں نے چوہدری پرویز الہی کے سابق سیاسی مشیر ڈاکٹر اعجاز حسین کو ڈاکٹر طاہر القادری کے پاس بھیجا اور اس نے ڈاکٹر طاہر القادری کو اس بات پر راضی کیا کہ وہ نواز شریف کے خلاف اگر ایک جارحانہ ، پرتشدد تحریک چلائیں تو فوج اگلے سیٹ اپ میں انھیں اہم رول دے گی

http://jang.com.pk/jang/sep2014-daily/07-09-2014/col6.htm

سلیم صافی اور نجم سیٹھی کے سازشی نظریات کے مرکب سے فائدہ اٹھاتے ہوۓ دی نیوز کے لندن میں رپورٹر مرتضی علی شاہ کی خبر نما ایک جاسوسی رپورٹ میں یہ انکشاف بھی موجود ہے کہ ڈاکٹر اعجاز حسین نے قادری کے ایران کا دورہ کا انتظام کیا اور ایرانی حکام سے اور پاکستانی ملٹری کے بعض لوگوں سے ملاقاتیں کرائیں جو اس وقت ایران کے دورے پر تھے – یہی بات نجم سیٹھی نے بھی اپنے چھ ستمبر کے پروگرام میں کی تھی

اسی طرح کے الزام ایک اور طالبان پرست صحافی جاوید چودھری نے بھی اپنے ایک کالم میں اشاروں کی صورت میں لگائے اور قادری و عمران کے دھرنوں و انقلاب کو انھوں نے بھی ملٹری اسٹبلشمنٹ اور سابق و موجودہ ڈی جی آئی ایس آئی شجاع پاشا اور ظہیر الاسلام کے ذھن کا مشترکہ منصوبہ قرار دیا

http://www.thenews.com.pk/Todays-News-2-271584-Who-pushed-Dr-Qadri-into-this-mess

اب اگر آپ اس سازشی کہانی کے مصنفوں کی بیان کی گئی باتوں کا جائزہ لیں تو آپ کو صاف پتہ چلے گا کہ سلیم صافی کے نزدیک “لندن پلان ” کے خالق امریکہ ، برطانیہ اور کینیڈا وغیرہ ہیں اور ڈاکٹر طاہر القادری ان کا مہرہ ہے اور اس میں ایران بھی طالبان دشمنی کی وجہ سے شامل ہے جبکہ نجم سیٹھی صاحب کے نزدیک یہ پلان پاکستان کی ملٹری اسٹبلشمنٹ کے ایک خاص سیکشن کا ہے جو نواز شریف کے بارے میں یہ رائے رکھتی ہے کہ نواز شریف دھشت گردی کے خلاف جنگ کے حوالے سے جو سوچ رکھتے ہیں وہ فوج کی سوچ سے مختلف ہے اور یہ کہ نواز شریف نیا ڈی جی آئی ایس آئی ایسا لائیں گے جس سے ان کو قومی سلامتی کی پالیسی خود بنانے کا موقعہ ملے گا جبکہ نجم سیٹھی اپنی کہانی میں مغربی حکومتوں کا زکرگول مول انداز میں کرتے ہیں لیکن کھل کر ان پر الزام نہیں دھرتے اور نہ ہی ان کو اس پلان کا خالق کہتے ہیں جبکہ سلیم صافی کا خیال یہ ہے کہ یہ منصوبہ ہی مغربی طاقتوں نے تیار کیا اور اس کا مقصد پاک فوج کو بدنام کرنا تھا ، پاکستان میں شیعہ بریلوی الائنس بناکر اسے دیوبندی سلفی جہادیوں سے لڑوانا تھا اور پاکستان کی خارجہ پالیسی میں ابتک جو امریکیوں سے اختلاف پایا جاتا ہے اسے دور کرنا تھا

گویا سلیم صافی کے نزدیک ڈاکٹر طاہر القادری اور عمران خان کے مارچ پر مبنی لندن پلان کا خالق حقیقی مغرب ہے جبکہ نجم سیٹھی کے نزدیک اس کو تخلیق کرنے والے آئی ایس آئی اور فوج کے جرنیل ہیں، اور اس سکرپٹ کا رائٹر جنرل پاشا ہے اور اس کو قادری تک پہنچانے کا زمہ دار ڈاکٹر اعجاز حسین تھا

لندن پلان نامی اس سازشی کہانی پر فقط سلیم صافی، نجم سیٹھی، جاوید چوہدری اور مرتضی علی شاہ ہی نہیں بلکہ مسلم لیگ نواز کے ميڈیا چیف کوارڈینیٹر صدیق الفاروق ، مولانا فضل الرحمان ، محمود خان اچکزئی سمیت نواز شریف کیمپ کے کئی سیاست دان بھی متفق ہیں

http://www.dailytimes.com.pk/national/23-Jun-2014/model-town-incident-part-of-london-plan-pml-n

بس تضاد یہ ہے کہ اس پلان کا حقیقی خالق آئی ایس آئی کا ہیڈ کوارٹر ہے یا امریکی سی آئی اے کا دفتر – لیکن اس کہانی کے ہر بیانیے میں سنی بریلوی اور شیعہ، جو کہ پاکستان کے دو مظلوم ترین گروہ ہیں، کو سازشی عناصر کے طور پر پیش کیا گیا ہے

نجم سیٹھی اس معاملے میں امریکیوں ، برطانویوں وغیرہ کو کیوں نہین گھسیٹ رہے اس کی وجہ میں آپ کو اپنے دوسرے مضمون میں تفصیل سے بتاؤں گا جب ڈاکٹر اعجاز حسین پر بات کروں گا

ایک بات تو طے ہے کہ سلیم صافی اور جاوید چودھری سمیت نواز شریف کیمپ کے درجن بھر سے زیادہ ایسے شرلاک ہومز جن کا تعلق اور رشتہ دیوبندی دھشت گرد اور انتہا پسند تنظیموں اور اشخاص سے بہت واضح ہے اور جن کو ہم پاکستان ، افغانستان سمیت دنیا بھر میں عالمی دیوبندی وہابی تکفیری دھشت گرد نیٹ ورک اور اس کے فلسفے کے اپالوجسٹ یا عذر خواہ اور ان کی سافٹ امیج بلڈنگ کے ستون کہہ سکتے ہیں “لندن پلان” کی فرقہ پرستانہ تعبیر پر بہت زور دے رہے ہیں اور وہ اس کا رشتہ ہر صورت امریکہ، برطانیہ ، کینیڈا اور ایران سے ضرور جوڑنا چاہتے ہیں کیونکہ تبھی وہ ڈاکٹر طاہر القادری ، سنی اتحاد کونسل کے حامد رضا اور متحدہ مجلس مسلمین کے راجہ ناصر عباس کے باہمی تعلق سے پیدا ہونے والی شیعہ سنّی ہم آہنگی کی فضا اور اس سے دیوبندی تکفیری دھشت گردی پر پڑنے والے دباؤ کو کم کرنے میں کامیاب ہوسکتے ہیں

اس فرقہ پرستانہ تعبیر پر زور دینے کا ایک سبب اور بھی ہے جس کا سلیم صافی نے اپنے کالم کے اندر ہی زکر کیا ہے اور وہ یہ ہے کہ دو مغربی ممالک کی انٹیلی جنس ایجنسیوں کے اہلکاروں نے سنی بریلوی اور شیعہ علما و رہنماؤں سے ملاقات کی اور ان کو طاہر القادری کا ساتھ دینے کو کہا اور امریکہ و یورپ کی شمولیت پر اعتراض کرتے ہوۓ شیعہ اور سنی بریلویوں کے اکثر علماء نے قادری کا ساتھ دینے سے انکار کرڈالا

حال ہی میں نواز شریف کے کچھ نمک خوار مولوی جن میں نواز شریف کی اتفاق مسجد کا خطیب ریاض حسین شاہ ، پیر حسنات شاہ ، عرفان مشہدی ایم پی اے اور پیر افضل قادری نمایاں ہیں نے بریلوی عوام اور علماء میں یہ پروپیگنڈا شروع کیا کہ ڈاکٹر طاہر القادری کا مارچ ایرانی شیعہ اور قادیانی لابی کا مشترکہ منصوبہ ہے اور اس سے دور رہنے کی ضرورت ہے – یہی پروپیگنڈا دیوبندی تنطیموں کی جانب سے شروع کیا گیا اور اس پروپیگنڈے کا مرکز کالعدم دیوبندی دہشت گرد تنطیم اہل سنت والجماعت / سپاہ صحابہ پاکستان ہے کہ ڈاکٹر قادری ایران، اسرائیل، امریکہ، قادیانی، شیعہ لابی کے اشارے پر پاکستان آئے ہیں

ںواز شریف کیمپ کے حامیوں مین ایک اور طبقہ وہ ہے جو لندن پلان کی اپنے طریقے سے توجیہ پیش کررہا ہے اور یہ حامی ہیں پاکستان کےجعلی لبرل اور جعلی لیفٹسٹ، کئی ایک حقیقی اینٹی اسٹبلشمنٹ دانشور بھی اس مفروضے اور سازش پر یقین کرتے نظر آتے ہیں

ان نام نہاد دانشوروں کا نجم سیٹھی اینڈ کمپنی کے ساتھ اس بات پر اتفاق ہے کہ لندن پلان پاکستانی فوجی اسٹبلشمنٹ نے تیار کیا ہے اور اس کی وجہ نواز شریف کی جانب سے افغانستان اور بھارت بارے ڈیپ سٹیٹ یا تزویراتی گہرائی کی پالیسی سے اتفاق نہ کرنا اور مشرف کے ٹرائل پر اصرار کرنا ہےاور پاکستان میں ملٹری بزنس کے مفادات کے آڑے آنا ہے

یہ دانشور کہتے ہیں کہ جمہوری قوتوں کو ناکام کرنے، اقتدار پر قبضہ جمانے یا نواز شریف کو کمزور کرنے کے لیے فوج نے پاکستان کے اندر سنی بریلوی و شیعہ طالبان کی تیاری شروع کی ہے ، ان میں سے بعض لوگ تو یہاں تک کہتے ہیں کہ ڈاکٹر طاہر القادری ، راجہ ناصر عباس اور حامد رضا اصل میں اسٹبلشمنٹ کے مہرے ہیں اور ان کو نواز شریف کے خلاف استعمال کیا جارہا ہے اس کیمپ میں ہمیں این جی اوز، باراور میڈیا کے بڑے بڑے نام نظر آتے ہیں

اور یہ سب کے سب لوگ جس لندن پلان کی گردان کررہے ہیں، اس کے تخلیق کار کے اوپر ان کا اختلاف اپنی جگہ لیکن یہ سب کے سب پاکستان کے دیوبندی تکفیری دھشت گردی کے متاثرین جن میں سرفہرست شیعہ ، صوفی سنّی ، احمدی ، مسیحی، ہندو وغیرہ ہیں کے بارے میں بہت متعصب اور بے شرمی کی حد تک چشم پوشی سے کام لے رہے ہیں

Comments

comments