بلوچستان میں شدت پسندوں کے خلاف کارروائی کے بارے میں نیشنل پارٹی کے سربراہ میر حاصل بزنجو کہتے ہیں کہ جب تک ملک کے تمام صوبوں میں کالعدم تنظیموں کے خلاف کارروائی نہیں کی جائے گی بلوچستان میں کارروائی کرنے سے فائدہ نہیں ہو گا۔

یہ بات انھوں نے بی بی سی اردو سروس کے ریڈیو پروگرام سیربین میں ثقلین امام سے ایک انٹرویو میں کہی۔

طالبان اور کویٹہ شوریٰ کے بارے میں پوچھے گیے ایک سوال کے جواب میں ان کا کہتا تھا کہ طالبان ہو یا کویٹہ شوریٰ ، لشکر جھنگوی ہو یا کوئی اور تکفیری دیوبندی گروہ یہ سب ایک ہی ہیں – سب کا کام اور نظریات ایک ہیں – سب دہشت گرد ہیں او سب خود کش حملہ اوروں کا استعمال کرتے ہیں اس لئے ان میں کوئی تفریق نہیں ہونی چاہے –

بلوچستان بھر میں جب فرقہ وارانہ دہشت گردی کے حوالے سے ان سے سوال کیا گیا تو ان کا کہنا ہ کہ بلوچستان میں صرف دو علاقوں میں ابھی تک تکفیری دہشت گردوں کی موجودگی خطرے کی گھنٹی ہے جن میں مستونگ سر فہرست ہے کیوں کہ مستونگ سے گزر کر ایران کی طرف زائرین کو لے جانے والا راستہ سات سو کلو میٹر لمبا ہے اور بنجر و ویران ہے جہاں تکفیری دیوبندی دہشت گردوں کے مدرسے اور پنا گاہیں ہیں – جب کہ کویٹہ میں تکفیری دیوبندی دہشت گردوں کی آمد و رفت اور کاروائیوں پر کاری نظر رکھی اور اسے روکنے کے لئے ہر ممکن اقدام اٹھاۓ جا رہے ہیں