2012ء …روزن دیوار سے…عطاء الحق قاسمی

اپنے کالم کی ابتدا مایوس کن حملوں سے کرنے کی پیشگی معذرت مگر آپ یہ نوٹ فرمالیں کہ جمعہ کے روز قادیانیوں کی عبادت گاہوں پر حملہ کے دوران جو دو دہشت گرد زندہ گرفتار ہوئے ہیں ان میں سے کسی کا بال بھی بیکا نہیں ہوگا۔ کوئی عدالت انہیں سزا سنانے کی پوزیشن میں نہیں ہوگی اور اگر حسن اتفاق سے ایسا ہوا تو اس سزا پر کبھی عملدرآمد نہیں ہوگا۔ وجوہات میں جانے کی ضرورت نہیں کہ ہم سب اس سے واقف ہیں البتہ ثبوت یہ ہے کہ گزشتہ کئی برسوں کی دہشت گردی کے دوران جو دہشت گرد پکڑے گئے ہیں ان میں سے کوئی ایک بھی تاحال اپنے انجام کو نہیں پہنچا۔ اس دفعہ بھی ایسا ہی ہوگا! آزاد عدلیہ اور جمہوری حکومتوں کی موجودگی میں فوجی عدالتوں کی گنجائش نہیں ہوتی ورنہ انہیں سزا صرف فوجی عدالتیں ہی دے سکتی ہیں اور اس سزا پر عملدرآمد بھی وہی کرسکتی ہیں!
تاہم اس مایوس کن صورتحال میں امید افزا بات یہ ہے کہ پہلی بار مخصوص مکتب ِ فکر کی مذہبی جماعتوں اور علماء کرام نے بھی اس درندگی کی بغیر کسی اگر مگر کے کھل کر مذمت کی ہے اور یہ کارروائی کرنے والوں کو اسلام اور پاکستان کا دشمن قرار دیا ہے۔ قادیانیوں پر یہ بڑا حملہ پہلی بار ہوا ہے لیکن ان کی ٹا رگٹ کلنگ کا سلسلہ پرانا ہے۔ اس کے باوجود اسے مذہبی رنگ دینے کو تیار نہیں ہوں کیونکہ اہل سنت و الجماعت اور اہل تشیع کی اہم شخصیات کے علاوہ ہزاروں عام پاکستانی مسلمان بھی ان درندوں کے ہاتھوں جام شہادت نوش کرچکے ہیں اور یوں ہم سب ایک طویل عرصے سے موت کے دہانے پر بیٹھے ہیں۔ گزشتہ جمعہ کی ”مذہبی“ نشانہ بازی کے علاوہ بلوچستان اورکراچی میں ”سیکولر“ نشانہ بازی کا سلسلہ بھی جاری ہے اور یوں یہ جاننا مشکل نہیں کہ ہمارے ہاں”خام مال“ بکثرت دستیاب ہے جسے ہمارے دشمن ملک اپنے مقاصد کے لئے استعمال کر رہے ہیں۔ اس ”خام مال“ کو بہت ”ہنرمند علماء“ دہشت گردی میں ڈھالتے ہیں اور میں پورے یقین سے کہہ سکتا ہوں کہ ان ”علما“ کے روپ میں اسلام دشمن اور پاکستان دشمن عناصر اپنا کھیل، کھیل رہے ہیں۔ ان کی داڑھیوں اور ان کے عماموں پر نہ جائیں انہیں کبھی بغیر داڑھی اوربغیر عمامے کے دیکھنے کی کوشش کریں۔ نیچے سے لارنس آف عریبیہ نکلیں گے۔ میں نے امریکہ سے پاکستان واپسی کے دوران ایک ایسے ”عامل“ کی روئیداد بیان کی تھی جس کی ”رپورٹنگ“ ”پیر کامل“ کے روپ میں کراچی کی ایک جامع مسجد میں تھی اور وہ ایک عرصے سے گھناؤنی کارروائیوں میں مصروف تھا۔ یہ سلسلہ مجھے جلد ختم ہونے والا نہیں لگتا کیونکہ پورا اردو بازار مذہب کے نام پر فساد پھیلانے والی کتابوں سے بھرا پڑا ہے۔ آپ کبھی اردو بازار کا چکر لگائیں اور ان کتابوں کا جائزہ لیں جو بظاہر مذہبی کتابیں ہیں اور اسلام کی تبلیغ کے لئے ہیں لیکن درحقیقت یہ کتابیں اسلام کا چہرہ مسخ کرنے کا ”فریضہ“ انجام دے رہی ہیں۔ صرف یہی نہیں کبھی واعظان ِ خوش بیاں اور ذاکرانِ خوش الحان کی تقریریں بھی سنیں، اگر آپ اسلام کی سچی روح سے واقف ہیں تو ان کی فسادی تقریریں سن کر آپ کا خون کھول اٹھے گا۔ یہ سب کچھ انتظامیہ کے علم میں ہوتا ہے لیکن وہ اپنے بچوں کا پیٹ پالنے کے لئے صرف ”نوکری“ کر رہے ہیں چنانچہ وہ کسی ”مشن امپاسیبل“ پر جانے کو تیار نہیں شاید انہیں کبھی اس امر کااحساس ہوجائے کے دشمن دبے پاؤں ہم سب کی طرف بڑھ رہا ہے۔ اس نے کھلم کھلا (خاکم بدہن) پاکستان کے خاتمے کے لئے 2012 کی تاریخ دی ہوئی ہے۔ وہ وزیرستان کے بعد پنجاب میں بھی ڈرون حملے کاخواہشمند ہے۔ وہ سندھ اور بلوچستان میں بھی بے چینی اور اضطراب کا سلسلہ دراز کرے گا۔ خیبرپختونخواہ پہلے ہی اس کی زد میں ہے اور اس کے بعد جو ہوگا اس کی تفصیل اور اس کا کرب ان سے پوچھیں جن کا کوئی وطن نہیں ہوتا اور جن کے بچے، بیٹیاں، بہنیں اور مائیں گلیوں میں خاک بسر پھرتی ہیں! ہم ان رشتوں کی عزت اور حرمت پر مر مٹنے والے لوگ ہیں کیا ہم انتظار میں ہیں کہ دشمن اپنا مشن مکمل کرے تو ہم میدا ن میں اتریں؟ ہمیں ابھی سے بہروپیوں کے خلاف متحد ہونا ہوگا ورنہ اس نے ہماری عزتیں پائمال کرنے کی تیاری مکمل کرلی ہے۔ جاگو اگرہمیشہ کی نیند سونانہیں چاہتے

http://search.jang.com.pk/details.asp?nid=437497

95% PUBLIC OF PAKISTAN WHICH DECLARE AHMADIS NON-MUSLIMS IS I THINK FOOLISH AND OUR MEDIA IS RIGHT THAT WE SAY “AHMADI MUSLIMS”

VERY STRANGE…………. I AM ASHAMED ON SO “LIBERAL” ROLE OF OUR INTERNET MEDIA…. WE ARE NOT CONDEMNING KILLINGS, WE ARE DECLARING THAT BHUTTO WAS WRONG AND AHMADIS ARE TRUE MUSLIMS