Abbas Ather’s op-ed on this topic

http://express.com.pk/epaper/PoPupwindow.aspx?newsID=1101121432&Issue=NP_LHE&Date=20101215

Hamid Mir is urging PM Yusuf Raza Gilani for mutiny against Asif Zardari:

Share
زوال کا آغاز؟….قلم کمان …حامد میر

بہت دیر ہو چکی ۔ حج اسکینڈل میں ملوث وزیر کو برطرف کرنا ایک درست فیصلہ تھا لیکن یہ فیصلہ درست وقت پر نہ کیاگیا۔ وزیر اعظم یوسف رضا گیلانی اپنے وزیر مذہبی امور کو دو ہفتے پہلے برطرف کرتے تو ان کے لئے مشکلات پیدا نہ ہوتیں لیکن انہوں نے ایک درست فیصلہ غلط وقت پر کیا جب پانی سر سے اونچا ہو رہا ہے۔ وزیر مذہبی امور کے ساتھ ساتھ انہوں نے جے یو آئی (ف)سے تعلق رکھنے والے وفاقی وزیر اعظم خان سواتی کو برطرف کر کے غلطی کی جس کے نتیجہ میں جے یو آئی(ف) کو حکومتی اتحاد سے علیحدہ ہونے کا موقع مل گیا۔ جے یو آئی (ف) نے حکومتی اتحاد سے علیحدہ ہو کر بہت سے سیاسی تجزیہ نگاروں کو حیران کر دیا ہے کیونکہ ان کا خیال تھا کہ مولانا فضل الرحمان کی سیاست ان کے والد مولانا مفتی محمود کی سیاست سے بالکل مختلف ہے۔ مولانا مفتی محمود نے ذوالفقار علی بھٹو کے ساتھ اصولی اختلاف کی وجہ سے وزارت اعلیٰ چھوڑ دی تھی۔ کچھ عرصہ قبل اس خاکسار نے پیپلز پارٹی کی ایک اہم شخصیت کو خبردار کیا کہ وہ اپنے اتحادیوں کے ساتھ معاملات کو ٹھیک کریں تو مذکورہ شخصیت نے بڑی شاہانہ تمکنت کے ساتھ کہا کہ الطاف حسین انکی دائیں جیب میں ہیں، اسفند یار ولی بائیں جیب میں اور مولانا فضل الرحمان اوپر والی جیب میں ہیں جو ان کے دل کے بہت قریب ہے۔ یہ سن کر میں نے کہا کہ مولانا فضل الرحمان اپنی خوشی سے نہیں بلکہ مجبوریوں کی وجہ سے آپ کے ساتھ ہیں آپ نے کہیں بھی کوئی بھی غلطی کی تو بھاگ جائیں گے۔

جواب ملا کہ…“ ہم نے مولوی کو تین وفاقی وزارتیں دے رکھی ہیں، کشمیر کمیٹی کی سربراہی دے رکھی ہے حالانکہ قومی اسمبلی میں اس کے پاس صرف سات نشستیں ہیں وہ کہیں نہ جائے گا کیا وہ نہیں جانتا کہ اے این پی کی قومی اسمبلی میں13نشستیں ہیں اور اس کے پاس صرف ایک وفاقی وزارت اور دو چھوٹی وزارتیں ہیں، ایم کیوایم کی25نشستیں اور صرف ڈیڑھ وزارت اس کے پاس ہے ۔“ یہ سن کر میں خاموش ہو گیا کیونکہ واقعی مولانا فضل الرحمان نے قومی اسمبلی میں صرف سات نشستوں کے ساتھ تین بڑی وزارتیں لیکر خود کو ایک گھاگ سیاستدان ثابت کیا تھا لیکن اب یہی مولانا صاحب حکومتی اتحاد کو خیر باد کہہ چکے ہیں۔

ذرا یاد کیجئے کہ اس خاکسار نے15نومبر 2010کو اس کالم میں عرض کیا تھا کہ “ سانپ بھی مر جائے گا اور آئین بھی نہ ٹوٹے گا ۔ ‘ میں نے لکھا تھا کہ وزیر اعظم گیلانی سچی مچی کے وزیر اعظم بن جائیں ورنہ ان کے ناراض اتحادی اپوزیشن کے ساتھ ملکر انہیں ہٹانے کی کوشش کریں گے۔ میں نے بھی یہ لکھا تھا کہ ذرا انتظار کیجئے آپکو حیرت انگیز خبر سننے کو اور حیرت انگیز مناظر دیکھنے کو ملیں گے کیونکہ کچھ بھی غیر آئینی نہیں ہو گا سب کچھ آئینی طریقے سے ہو گا۔15نومبر کو شائع ہونے والا یہ کالم کوئی تجزیہ نہیں تھا بلکہ اس کالم کی بنیاد کحھ ٹھوس اطلاعات تھیں اور ان میں سے اکثر اطلاعات ابھی تک سامنے نہیں آئیں۔ میرے لئے سب کچھ لکھنا مشکل ہے کیونکہ کچھ اطلاعات کو قبل از وقت طشت از بام کرنے کا نتیجہ بڑی بڑی تردیدوں کی صورت میں سامنے آتا ہے اس لئے بہتر ہے کہ یہ اطلاعات وہی آپ تک پہنچائیں جو ان پر اپنا اصلی حق سمجھتے ہیں البتہ مجھ جیسے صحافی آپکو یہ بتا سکتے ہیں کہ آنے والے دنوں میں مزید حیرت انگیز خبریں سامنے آنے والی ہیں۔ یہ کہنا غلط نہ ہو گا کہ وزیر اعظم گیلانی نے حج اسکینڈل میں ملوث وزیر کو برطرف کر کے سانپوں کے بل میں ہاتھ ڈالا ہے۔اب ا نہیں اصل خطرہ آستین کے سانپوں سے ہے۔ یہ سانپ ان کے اپنے ہیں جو ان کے خاندان کے قریبی افراد کو بھی کرپشن میں ملوث کر رہے ہیں۔ نیشنل ہائی وے اتھارٹی کے چیئرمین کی مدت ملازمت میں توسیع کے حوالے سے ایک ایسی کہانی گردش میں ہے جو صرف وزیر اعظم گیلانی نہیں بلکہ صدر آصف زرداری کے انتہائی قریبی عزیزوں کو بھی اپنی لپیٹ میں لے رہی ہے۔ میں اس کہانی کو بیان نہیں کرنا چاہتا لیکن یہ ضرور کہوں گا کہ کرپشن کے الزامات میں ملوث متنازعہ افراد کو اہم عہدوں پر فائز کرنے اور پھر انکی مدت ملازمت میں توسیع سے کبھی کوئی اچھی کہانی جنم نہیں لیتی ۔

جب یہ کہانیاں میڈیا میں آتی ہیں تو پھر میڈیا کو برا بھلا کہا جاتا ہے، پنجاب اسمبلی میں الزامات لگوائے جاتے ہیں کہ میڈیا بیرونی طاقتوں کا ایجنٹ ہے لیکن اپنے گریبان میں نہیں جھانکا جاتا ۔ غلطیوں سے سبق سیکھنے کی زحمت نہیں کی جاتی ۔ حال ہی میں وزیر اعظم سے ایک ”شاہی فرمائش“ میں کہا گیا ہے کہ کیپٹل ڈویلپمنٹ اتھارٹی کے چیئرمین کو تبدیل کر کے وہاں شاہی دربار کے ایک خاص صاحب کو تعینات کیا جائے جو سی ڈی اے کے ذریعہ اپنے مقدمہ کے سکندر بننا چاہتے ہیں۔ گورنر پنجاب سلمان تاثیر نے بھی پرویز مشرف کے ایک خاص الخاص پولیس نے ایک خاص الخاص پولیس افسر کو پمرا کا چیئرمین بنانے کی سفارش کر دی ہے تاکہ ایک ٹی وی چینل کو ”سبق“ سکھایا جا سکے۔موصوف بھول رہے ہیں کہ اس قسم کے متنازعہ افراد کی سفارشیں کر کے وہ ہمارا کچھ نہ بگاڑ سکیں گے۔ جو بھی بگڑے گا ان کے اپنے وزیر اعظم کا بگڑے گا ۔ ایک طرف وزیر اعظم عدلیہ، میڈیا اور اپوزیشن کے ساتھ معاملات کو بہتر بنانے کی کوشش کرتے ہیں تو دوسری طرف پیپلزپارٹی کا پرویز مشرف گروپ اپنی بے لگام خواہشوں کو فیصلے بنا کر وزیر اعظم پر مسلط کر دیتا ہے۔ وزیر اعظم کو اپنی حکومت پیپلز پارٹی کے پرویز مشرف گروپ کی مرضی سے نہیں بلکہ اپنی ترجیحات کے مطابق چلانی چاہئے۔ وہ ایک پارٹی کے اندر موجود ایک مخصوص گروپ کے نہیں بلکہ پورے ملک کے وزیر اعظم ہیں۔بہت اچھی بات ہے کہ وہ فاروق لغاری نہیں بننا چاہتے لیکن پیپلز پارٹی کا پرویز مشرف گروپ فاروق لغاری سے زیادہ خطرناک ہے۔ لغاری صاحب تو پارٹی چھوڑ گئے تھے لیکن پرویز مشرف گروپ پارٹی کے اندر رہ کر پارٹی کو تباہ کر رہا ہے۔ وزیر اعظم گیلانی کے پاس دو راستے ہیں ۔ یا تو پرویز مشرف گروپ کے غلام بن کر رہیں یا ایک بااختیار وزیر اعظم بن کر سامنے آئیں ۔ بااختیار وزیر اعظم بن کر وہ اپنے سیاسی اتحادیوں، عدلیہ، میڈیا اور عوام کو ساتھ لیکر چل سکتے ہیں۔ میں یہ قطعاً نہیں کہہ رہا ہے کہ وہ صدر زرداری کے خلاف بغاوت کر دیں۔ بغاوت کئے بغیر وہ اپنے آئینی فرائض کو احسن طریقے سے انجام دینا شروع کر دیں تو جے یو آئی(ف) اور ایم کیو ایم کو راضی کیا جا سکتا ہے بصورت دیگر آر جی ایس ٹی کے نفاذ میں ناکامی انکی حکومت کے زوال کا نکتہ آغاز ہو گا اور اس زوال کی انتہا ان سمیت کئی شخصیات کی رخصتی ہو گی جو آئینی طریقے سے ہو گی۔ غیر آئینی طریقے سے نہیں۔

http://search.jang.com.pk/details.asp?nid=491248

Naji offers a reasonable analysis:

موجودہ سیاسی ہلچل کی وجوہ ٹھوس‘ گہری اور کثیرالجہتی بھی ہیں اور یہ ہنگامی بھی ہو سکتی ہیں۔ اس میں صرف ہنگامی وجوہ پر بات کروں گا۔ ٹھوس وجوہ کا جائزہ ایک علیحدہ کالم کا متقاضی ہے اور اس کالم کے لئے کئی مہینے تک بھی دیر نہیں ہو گی‘ ایک سال کے اندر اندر جب بھی لکھوں گا‘ بعدازوقت نہیں ہو گا۔

ہنگامی وجوہ میں نمایاں تو وہی تنازعہ ہے‘ جو اعظم سواتی اور مولانا حامد سعید کاظمی کے مابین ہے۔ ابھی یہ کہنا مشکل ہے کہ دونوں میں سچا کون ہے؟ ایک بات طے ہے کہ زیادتی کا آغاز‘ اعظم سواتی صاحب کی طرف سے ہوا۔ ایک موقع پر خود مولانا فضل الرحمن نے بھی جماعت کو اس معاملے سے علیحدہ کرتے ہوئے کہہ دیا تھاکہ یہ دونوں کا باہمی معاملہ ہے۔ پھر کیا ہوا؟ پیر کی رات تک دونوں وزراء سرکاری ذمہ داریاں انجام دے رہے تھے اور خبر یہ تھی کہ فی الحال حکومت انہیں علیحدہ نہیں کر رہی۔ ان کی برطرفی کی خبر اور شاید فیصلہ بھی‘ دن کے بارہ بجے کے بعد ہوا۔ مولانا کاظمی کے مطابق‘ انہیں دوران سفر اس فیصلے کی اطلاع ملی اور یہ سفر وہ نماز ظہر سے پہلے کر رہے تھے۔ وقت کا حساب اس لئے لگا رہا ہوں کہ سہ پہر تین اور چار کے درمیان مولانا کی طرف سے اتحاد کے خاتمے کا اعلان ہو گیا۔ گویا یہ اہم فیصلہ صرف دو گھنٹے کے اندر کر دیا گیا۔ مولانا بے شک اپنی جماعت میں ہمہ مقتدر ہیں۔ مگر اتنے بھی نہیں کہ ان کے وزراء کسی پیشگی صلاح مشورے کے بغیر اچانک حکم نامہ جاری کرنے پر استعفے دے دیں۔ مولانا شیرانی نے تو اپنے آپ کو اس فیصلے سے مستثنیٰ ہی کر لیا۔

حکومت سے علیحدگی کا فیصلہ بھی جماعتی قیادت کو‘ اعتماد میں لئے بغیر نہیں کیا جا سکتا۔ مولانا کا طریقہ کار بھی ایسا نہیں۔ وہ بہت کھلی مشاورت کرتے ہیں اور اپنے ساتھیوں کا اعتماد حاصل کرنے کے بعد ہی اہم فیصلے سامنے لاتے ہیں۔ یہ سارا کچھ ان کے طریقہ کار کے خلاف ہوا ہے۔ اس کی وجوہ پر غور کرنا ہو گا۔ اول یہ کہ اعظم سواتی صاحب کی طرف سے‘ اپنی برطرفی کے بعد‘ مولانا کی لاتعلقی پر شدید احتجاج ہوا ہو اور اعظم سواتی کی جو ”سماجی حیثیت“ ہے‘ اس سے جے یو آئی کی قیادت بہت متاثر ہے اور ان کا دباؤ مسترد کرنے کی پوزیشن میں نہیں۔ ہو سکتا ہے اعظم سواتی کی طرف سے فیصلہ کن دباؤ آیا ہو اور مولانا اور ان کے ساتھی بلاچوں و چرا ان کے مطالبے کے سامنے سرتسلیم خم کر گئے ہوں۔ سیاست میں کسی صاحب حیثیت شخصیت اور آزمودہ ساتھی اور اقتدار کے مواقع کے مابین‘ ایک کا انتخاب کرنا پڑے‘ تو سمجھدار لوگ ساتھی کا انتخاب ہی کرتے ہیں۔ ہوسکتا ہے مولانا نے یہی کیا ہو۔ سیاسی اتحادوں کے معاملے میں وہ جتنے لچک دار ہیں‘ دوستوں اور ساتھیوں کے معاملے میں اتنے ہی غیر لچکدار۔ اگر یہی بات ہے‘ تو اعظم سواتی کی کابینہ میں واپسی پرمسئلہ حل ہو سکتا ہے۔

سچ تو یہ ہے کہ اس وقوعے پر ہلکا سا جھٹکا ہی کافی تھا۔ مولانا نے زور کچھ زیادہ لگا دیا۔خیر اگر اب بھی وزارت مذہبی امور حاصل ہو گئی‘ تو مولانا ہر گز اسے نہیں چھوڑیں گے۔ مولانا کی طرف سے علیحدگی کے اس اچانک فیصلے سے‘ صدر آصف زرداری اور مولانا کے مابین ذاتی نوعیت کا جو رشتہ مدتوں سے استوار ہے‘ اسے ٹھیس بہرحال پہنچے گی۔ جہاں تک میرا مشاہدہ ہے‘ صدر زرداری‘ اسفند یار ولی اور مولانا کی دوستی پر بہت اعتماد رکھتے ہیں اور یہ توقع رکھتے ہیں کہ وہ کسی حد تک اپنے مفادات قربان کر کے بھی‘ باہمی تعلق نبھائیں گے۔ ڈاکٹر قیوم سومرو کے پراعتماد بیان کی یہی وجہ ہے۔ اب یہ بھروسہ یقینا متاثر ہو گا۔ سیاست میں یہ ہوتا رہتا ہے۔

ایک اور وجہ ایم کیو ایم اور پیپلزپارٹی کے مابین تعلقات میں نمودار ہوتی ہوئی کشیدگی بھی ہو سکتی ہے۔ مولانا یقینی طور پر جانتے ہیں کہ ان کے بغیر ایم کیو ایم‘ پیپلزپارٹی کی حکومت کو نہیں بچا سکتی۔ سارے اتحادیوں کی طاقت جمع کرنے کے بعد بھی مولانا کا وزن برقرار رہتا ہے۔ کیونکہ جیسے ہی ایم کیو ایم حکومت سے علیحدگی کا راستہ اختیار کرے گی‘ وہ اکثریت سے محروم ہو جائے گی اور اکثریت بنانے کے لئے مولانا کے 13ووٹ انتہائی قیمتی ہو جائیں گے۔ شاید انہوں نے اس امکانی علیحدگی کو سامنے رکھتے ہوئے‘ اپنا پتہ پہلے کھیل لیا ہو۔ اگر ایسا ہے‘ تو ایم کیو ایم کی سودے بازی کی طاقت زیادہ بڑھ گئی ہے۔ ایم کیو ایم کی طرف سے فیصلہ کن اعلان ہونے سے پہلے صدر زرداری‘ مولانا کو ہر قیمت پر منانے کی کوشش کریں گے۔

مصافحوں کی تعداد خواہ کتنی ہی بڑھ جائے‘ ان دونوں سیاسی ساتھیوں میں مصافحہ اظہار محبت کی تجدید ہوتا ہے۔ یہ جتنے زیادہ مصافحے کرتے ہیں‘ اتنی ہی زیادہ تجدید ہوتی ہے۔اگرمولانا کا معاملہ چار پانچ روز میں حل نہیں ہوتا اور اس کے بعد ایم کیو ایم بھی اپنا راستہ بدل لیتی ہے‘ تو پھر سمجھ لیں کسی بڑی تبدیلی کی تیاری ہو رہی ہے۔ فی الحال میں اس تبدیلی کی پیش گوئی نہیں کر سکتا۔ مگر کھیل دو مسلم لیگوں اور پیپلزپارٹی کے درمیان چلا جائے گا اور اگر ان تینوں میں سے دو کسی فیصلے پر پہنچ گئے‘ تو پھر ایم کیو ایم اور جے یو آئی کو سیاست کی نئی راہیں دیکھنا پڑیں گی۔

The Barelvi-Deobandi feud and ‘becharay’ Pakistani

– by Tanvir Qaiser Shahid and Nazir Naji

http://criticalppp.com/archives/30782