جمہوریت دی لیلیٰ دیاں ستے خیراں – آصف زیدی

10408629_853773087974851_738296504133224841_n


سنیا اے ساڈی پرلیمنٹ رل کے بہہ گئ اے

واہ واہ اے پئی ایس پرلیمنٹ دی

ایہناں دے آپس وچ رشتے بڑے پرانے تے گوہنڈے نیں. نواز شریف ہن ایہناں دا امام اے تے امام تے مقتدی سارے اکو ورگے نیں. بس ایس طراں سمجھ لؤ جیویں نواز شریف ایس پرانے مزار دا نواں مجاور اے. نواز شریف ہوریں منہ گھٹ کھولدے نیں تاں جے منہ چوں سچ نہ نکل جاوے. منہ دا کیہ وسا؟
بولن تو ودھ ایہناں لوکاں نوں حاصل کرن دا چاہ اے. وزارت، پلاٹ ، پرمٹ، فیکٹری، ٹھیکہ – جیہڑا کجھ وی حاصل کیتا جا سکدا اے اودھے وچ ایہ کدی گھٹ نئیں کر دے. اگے ودھ کے لٹ لیندے نیں.

اہناں وچ لٹن دے شوق توں وکھریاں وی بڑیاں گلاں سانجھیاں نیں. اک تے ایہو پئی ایہناں وچ لیلیٰ دی سانجھ اے. پلاٹ ، پرمٹ، پیسہ – اے سارے اوسے لیلیٰ دے کتے نیں. اے سارے سچ بولن تے ٹیکس دین دے بڑے خلاف نیں. اے میرے ورگے کمیاں تے غریباں توں دور رہندے نیں . آپس وچ یاں لیلیٰ دے کتیاں نال خوش رہندے نیں – کدی کدی آپس وچ کھیبڑ وی پیندے نیں تے آپس وچ راہ بدل لیندے نیں. پر ایہہ جتھے وی جان کتے ایہناں دی پیروی کر دے نیں. ایس پاروں ایہہ مزار دے احاطے وچوں بہوں گھٹ باہر نکلدے نیں.

کدی کوئی عمران یاں طاہر ورگا ایہناں توں انصاف منگے تے اجیہا وقت ایہناں لئی جان کنی دا وقت ہوندا ہے. کیوں جے جہڑی لیلیٰ نوں ایہہ پیار کردے نیں اوہدے وچوں انصاف ہو کے نئیں لنگھدا.
تے جیہڑا کوئی لیلیٰ دے کتیاں دا حساب منگھ بیٹھے اوہنوں اے لیلیٰ دا دشمن آهدے نیں.

سارے خیراں منگو ایس لیلیٰ دیاں.

Comments

comments

WordPress › Error

There has been a critical error on this website.

Learn more about troubleshooting WordPress.