Jihaad Kahani By Azar Naqvi

ستر کے عشرے کے اواخر میں امیریکہ کو بڑے پیمانے پر کرائے کے
خچروں کی ضرورت تھی۔۔۔۔۔۔ ہمارے مَردِ مومن نے حامی بھری۔۔۔۔۔۔ ایک
قیمت مانگی گئی۔۔۔۔۔۔ امیریکہ نے حامی بھری۔۔۔۔۔ سودا طے ہوگیا۔۔۔۔۔۔ پوری
دنیا سے کرائے کے فوجیوں اور خچروں گدھوں کو لایا گیا۔۔۔۔۔۔ فوجیوں کو
لڑنے کیلئے اور خچروں کو پہاڑوں پر چڑھنے کیلئے۔۔۔۔۔۔۔ قرآن مجید اور
احادیث کی کتابیں کھولی گئیں اور ان کی روشنی میں دَہریہ اور اہلِ کتاب
کا انتہائی باریک بینی سے تقابلہ و موازنہ کیا گیا۔۔۔۔۔ کارخانہِ فتویٰ کی برکات
سے دَہریہ غیض و غضب کے حقدار ٹھہرے اور اہلِ کتاب کو شک کا فائدہ
دے کر ساتھ ملا لیا گیا۔۔۔۔ عظیم افغان جہاد شروع ہوا۔۔۔۔۔ پاکستان کی ساری
مذہبی جماعتیں اور مسلم لیگ سمیت دائیں بازو کی جماعتوں نے اس جہاد
کیلئے اھلاً سھلاً مرحبا کہا۔۔۔۔۔۔۔۔۔ کچھ لوگوں نے اس جہاد کی حقانیت پر شبہ
کیا تو انہیں دہریوں کی دلالی کا تمغہ دیا گیا۔۔۔۔۔

Taliban۔
اَہلِ کتاب ڈائریکٹر سی آئی اے ولیم کیسی کو طورخم بارڈر پر لے جا کر
کلاشنکوف سے ہوائی فائرنگ اور اللہ اکبر کے نعرے لگوائے جاتے رہے۔۔۔۔۔۔۔
یہ دیکھ کر مجاہدین کا ایمان ایک نئی بلندیوں کو چھونے لگا اور انہوں نے
روسی دَہریوں کے کُشتے کے پُشتے لگادیے۔۔۔۔۔۔۔۔ ہمارے اَن داتا امیریکہ کو
اپنی منزل قریب نظر آنے لگی۔۔۔۔۔۔۔۔ ستاسی سے جنیوا معاہدہ ہونے شروعات
ہوگئیں ہمارے مَردِ مومن اس کے خلاف تھے کہ وہ اس جنگ کو ختم کرنے
میں دلچسپی نہیں رکھتے تھے۔۔۔۔۔۔۔ جبکہ ہمارے آجر کے مفادات اس جنگ
سے مزید وابستہ نہ تھے۔۔۔۔۔۔۔۔۔۔ ہمارا آجر ہمارے ٹھیکیدار سے اسی لئے
ناراض ہوگیا کیوں کہ اسے وقت کے ضیاء سے کوئی دلچسپی نہ تھی۔۔۔۔۔۔
خیر اٹھاسی میں جنیوا معاہدہ ہوا۔۔۔۔۔۔ پھر جونیجو صاحب کی حکومت شہید
ہوگئی۔۔۔۔۔۔۔۔ پیچھے پیچھے مردِ مومن مردِ حق واقعتاً فضا میں شہید ہوگئے۔۔۔۔۔۔۔۔
۔
ان کرائے کے فوجیوں جن کو آپ دل کے خوش رکھنے کو مجاہدین بھی کہہ
سکتے ہیں، ان سے ہماری کچھ دِلی وابستگی ہوگئی۔۔۔۔۔۔۔۔ ہم نے انہیں اپنا
خفیہ ہتھیار بنا لیا۔۔۔۔۔۔۔۔ ہمیں پوری دنیا اپنے سامنے پڑی نظر آنے لگی۔۔۔۔۔۔۔
اسلام آباد اور لال قلعہ (نئی دلی) کا فاصلہ بہت کم ہوگیا۔۔۔۔۔۔ دوسرے ملکوں
پر لہرانے کیلئے جھنڈے سِلنے لگے۔۔۔۔۔ مگر ہمارے مجاہدین کے پاک دلوں
میں شیطان نے وسوسے ڈالنے شروع کردیے۔۔۔۔۔۔۔۔۔ مال و دولت اور اقتدار
حاصل کرنے کیلئے۔۔۔۔۔۔۔ ہم مجاہدین کو ان وسوسوں کے اثرات سے بچانے
کیلئے کہاں کہاں نہیں گئے۔۔۔۔۔ خانہ کعبہ میں بیٹھ کر قسمیں کھلوائی گئیں۔۔۔۔۔
مگر افسوس شیطان تو شیطان ہی ہوتا ہے۔۔۔۔۔۔۔ مگر ہمارے دلِ خوش فہم کو
ابھی بھی ان سے امیدیں وابستہ تھیں۔۔۔۔۔۔ کہ دنیا کو فتح کرنے کیلئے یہ لوگ
لازم تھے۔۔۔۔۔۔۔۔
۔
ہمارا آجر ہمیں ادائیگیاں کرکے جا چکا تھا۔۔۔۔۔ مگر ہمارے ملک کے سب
سے عظیم اِدارہ پنڈی آبپارہ کنٹونمنٹ پرائیوٹ لمیٹڈ نے عوام کے کان بھرنے
شروع کردیے اور ہمارے عوام باجماعت یہ گانے لگے کہ
۔

اے امیریکہ۔۔۔۔۔۔ اے بے وفا۔۔۔۔۔۔۔ غیروں پر کرم۔۔۔۔
اپنوں پر ستم۔۔۔۔۔۔۔ اے تیسری دنیا کے مالک یہ ظلم نہ کر۔۔۔۔۔۔۔۔۔

۔
مگر امیریکہ ہم سے زیادہ کمینہ نکلا اس نے اپنے کان ہی بند کرلیے۔۔۔۔۔۔۔
ہمارے کچھ بین الاقومی بَہی خواہوں نے آہستگی سے ہمیں سمجھانے کی
کوشش کی کہ ہم آگ سے کھیل رہے ہیں مگر ہمارا وہ جوش وہ جنوں وہ
مَمولہ کو درجن شہبازوں سے لڑا دینے والا جذبہ ۔۔۔۔۔۔۔ ہم نے افغان جہاد
کے بعد مجاہدین کی میزبانی کیلئے افغانستان کی سرزمین منتخب کی۔۔۔۔۔۔
ہمارے سابق آجر کی اس عظیم بے وفائی پر مجاہدینِ اسلام بہت بد دل
ہوگئے اور انہوں نے وائٹ ہاؤس پر اسلامی ہلالی پرچم لہرانے اور مغرب
میں اِسلامی شریعت نافذ کرنے کی ٹھانی۔۔۔۔۔۔۔۔۔۔ کاروائی ڈالی گئی۔۔۔۔۔ افریقہ
سے شروعات ہوئیں۔۔۔۔۔۔ امیریکہ نے کچھ کروز کھلونے بھیجے کچھ نشانوں
پر نہیں لگے۔۔۔۔۔ ہم اس وقت بھی نہیں سمجھے۔۔۔۔۔ ہم بھی فُل مست تھے۔۔۔۔۔۔۔
مگر پھر گیارہ ستمبر۔۔۔۔۔۔۔ ہمارے مجاہدین گیارہ ستمبر پر اور کچھ کمرشل
طیاروں پر ایمان لے آئے ۔۔۔۔۔۔۔۔۔ مجاہدینِ اسلام نے دوسری جنگِ عظیم کے
جاپانی کامی کازی پائلٹوں کی مہارت کو ایک نئے معنی دیے۔۔۔۔۔۔۔۔۔ امیریکہ
جو تیسری دنیا کا عالم پناہ ہے وہ یہ کیسے برداشت کرسکتا تھا کہ کوئی
اس کے ساتھ بھی یہ کرسکتا ہے۔۔۔۔۔۔ امیریکہ کی عظمت کی نشانیوں دو
ٹاوروں کو کوئی ایسے گِرادے۔۔۔۔۔۔۔
امیریکہ سانڈ کی طرح پھنکارنے لگا۔۔۔۔۔۔۔ کچھ فون گھمائے گئے۔۔۔۔۔۔۔ ہم
فوراً سائڈ میں ہوگئے۔۔۔۔۔۔ کچھ مذاکرات ہوئے مگر جن خچروں کو ہم لے
کر آئے تھے انہوں نے ہماری بات ماننے سے انکار کردیا۔۔۔۔۔۔۔ ہم نے کہا
ٹھیک ہے آپ ابھی ہماری بات نہ مانو مگر ہمارے دروازے ہمیشہ آپ کیلئے
کھلے ہیں۔۔۔۔۔۔
۔
پھر ڈیزی کٹر طیاروں میں نصب ہونے لگے اور بمبار طیارے ہوا میں بلند
ہوئے۔۔۔۔۔۔۔۔ ہمارے لوگوں کو بشارت ہوئی کہ طالبان کو اپنے رَب کی حمایت
حاصل ہے لہذا امیریکہ اگر اپنی خیریت چاہتا ہے تو یہاں نہ آئے۔۔۔۔۔۔۔ مگر
امیریکہ ان سے بھی بڑا نافرمان نکلا۔۔۔۔۔ خیر جنگی تیاریاں شروع ہوئیں۔۔۔۔
برادر ملک پاکستان سے ڈیزی کٹر کا مقابلہ کرنے کیلئے صوفی محمد صاحب
بھی چار پانچ سو کا لشکر بنا کر پوری طرح لاٹھیوں اور بندوقوں سے مسلح
ہوکر سرحد کے اس پار گئے۔۔۔۔۔۔۔ مگر۔۔۔۔۔۔۔
۔
کارپٹ بمباری نے افغانی قالین کی صنعت کو ایک نیا ڈیزائن دکھایا۔۔۔۔۔۔۔ اور
پھر اسلامی دنیا حیران رہ گئی جب مجاہدینِ اسلام بھاگ کھڑے ہوئے۔۔۔۔۔۔۔۔
بس ہماری بدقسمتی کہ وہ ہماری کھلے دروازوں والی پیشکش بھولے نہ
تھے۔۔۔۔۔۔ مسائل کے باوجود ہم نے ان تہہِ دل سے استقبال کیا۔۔۔۔ ہماری جو
جہاد کا کاروبار کرنے کی خواہش تھی وہ ابھی بھی دل میں تھی۔۔۔۔۔۔۔
دیدہ و دل راہِ فراش کیا۔۔۔۔۔۔ مجاہدین کی میزبانی کے انتظامات قبائلی علاقوں
میں کئے گئے۔۔۔۔۔۔ دوسری طرف ہم اپنے نئے کردار نان نیٹو ایلائی کا خطاب
ملنے پر خوشی سے پھولے نہیں سما رہے تھے۔۔۔۔۔۔۔ دنیا کی سب سے بڑی
ایجنسی اور امیریکہ کی عظمت کی نشانیوں میں سے ایک نشانی نے کئی
بار چپکے چپکے یہ بات ہمارے کانوں میں ڈالنے کی کوشش کی کہ ہمارا
دشمن نمبر ایک شیخ الاسلام اسامہ بن لادن کہیں آپ کے پچھواڑے میں تو
نہیں۔۔۔۔۔۔ مگر ہم یہ بات ہمیشہ سنی اَن سنی کردیتے۔۔۔۔۔۔۔۔ بالآخر امیریکہ کے
صَبر جمیل کا پیمانہ لبریز ہوگیا اور کچھ بے غیرت اڑن کھٹولے ہماری فضائی
حدود کی خلاف ورزی کرتے ہوئے آئے اور بُردہ فروشوں نے ہمارے مہمان
فخرِ اِسلام حضرت اسامہ بن لادن کو زبردستی اغواء کرنے کی اور موبائل
چھیننے کی کوشش کی مزاحمت پر گولی مار کر لاش ساتھ لے گئے۔۔۔۔۔۔بس
پھر پورے ملک میں دَریاں بچھ گئیں کچھ نے اُسامہ کی غائبانہ نمازِ جنازہ
پڑھی کچھ نے جھوٹی خود مختاری کی نمازِ جنازہ پڑھی۔۔۔۔۔۔۔
۔
آج پوری دنیا میں شور ہے کہ اُسامہ پاکستان میں کیسے تھا۔۔۔۔۔۔۔ آج پورے
پاکستان میں شور ہے کہ اڑن کھٹولے پاکستان میں کیسے آئے۔۔۔۔۔۔۔۔۔
۔
آج جب کچھ سَر پھرے اس غیرت مندانہ دوہرے کھیل کی بات کرتے ہیں تو
امریکی دلال کے طعنے سنتے ہیں اور وقت کا حسیں سِتم کہ دینے والے
وہی ہیں جن کی زبانوں پر کبھی دَہریہ کے دلال جیسے الفاظ ہوا کرتے تھے۔۔۔۔۔۔۔۔
۔
وقت نے کیا۔۔۔۔۔ کِیا حسیں سِتم ۔۔۔۔۔۔۔تم رہے نہ تم۔۔۔۔۔۔ ہم رہے نہ ہم۔۔۔۔۔۔۔۔

Comments

comments

WordPress › Error

There has been a critical error on this website.

Learn more about troubleshooting WordPress.