For the flood Victims: A Punjabi poem by Faiz Ahmad Faiz

میری ڈولی شوہ دریا

( یہ نظم انیس سو چوہتر کے سیلاب زدوں کے امدادی فنڈ کیلئے لکھی گئی)

میری ڈولی شوہ دریا

کل تائیں سانوں بابلا

تو رکھیا ہِک نال لا

سَت خیراں ساڈیاں منگیاں

جد جُھلی تتی وا

اَج کیکن ویہڑیوں ٹوریا

کویں لاہے نی میرے چاء

میرے گہنے نیل ہتھ پیر دے

میری ڈولی شوہ دریا،

میرے لتھے سارے چاء

میری ڈولی شوہ دریا

نال رُہڑدیاں رُڑھ گیاں سدّھراں

نال روندیاں رُل گئے نیر

نال ہُونج ہُونج کے لے گئے

میرے ہتھ دی لیکھ لکیر

میری چُنی بک سواہ دی

میرا چولا لیرو لیر

لج پالن بَوہڑے بھین دی

کوئی کرماں والے ویر

میرے کرماں والے وِیر

میرا چولا لیرو لیر

میرے لتھے سارے چاء

میری ڈولی شوہ دریا

سسی مر کے جنتن ہو گئی

میں تر کے اَوتر ہو گئی

سُن ہاڑے اِس مسکین دے

ربّا پورا کر سوال

میری جھوک وَسّے، میرا ویر وسّے

فیر تیری رحمت نال

کوئی پورا کرے سوال ربّا

تیری رحمت نال،

میرے لتھے سارے چاء

میری ڈولی شوہ دریا


مآ خذ : ویو پوائنٹ آن لائن

Comments

comments

WordPress › Error

There has been a critical error on this website.

Learn more about troubleshooting WordPress.