بحوالہ  روزنامہ “جنگ ”

×××  سپریم کورٹ نے اسلام آباد کے پارک میں نظریہءپاکستان کونسل کی عمارت کو غیر آئینی قرار دے دیا –
آئین کو غیر آئینی قرار دینے کے انتظامات بھی مکمل ہو چکے ہیں –

×××  بھارتی بجٹ بہت بڑھ گیا ہے – بھارت پاکستان پر جنگ مسلط کر سکتا ہے –  (وزیر اعظم گیلا نی)
اچھا بیان ہے – سپریم کورٹ ناراض ہے ، فوج کو ہی خوش کر کے دیکھتے ہیں !

×××  وزارت مذہبی امور کا کوئی افسر دوہری شہریت نہیں رکھتا – (علامہ حامد سعید کاظمی)
دوہری شخصیت کے ہوتے ہوئے دوہری شہریت کی ضرورت نہیں –

×××  حضرت ابوبکر صدیق نے جذبہءایمانی سے فتنوں کا سد باب کیا –  (اظہار بخاری)
حضرت ابوبکر صدیق کے بعد جذبہءایمانی ختم ہو گیا – !

×××  مسلم لیگ (ن) کی قیادت نے عوام کو مہنگائی کے سمندر میں غرق ہونے سے بچا لیا ہے –
اس لیئے کہ انہیں ” مُلا کریسی” اور “طالبانائیزیشن” کے سمندر میں غرق کرنا ضروری تھا –

××× پاکستان میں  قادیانیوں کو قانون کا پابند کیا جائے – (فدائیان ختم نبوت)
باقی تو پابندی کرنے والے ہیں ہی نہیں –

××× چیف جسٹس ٹرانسپورٹ کے بڑھے ہوئے کرایوں کا از خود نوٹس لیں – (پاسبان)
ابھی وہ کراچی کے متوقع سمندری طوفان کا از خود نوٹس لینے پر غور و خوض کر رہے ہیں –

×××   عوام ایکسپریس اٹھارہ گھنٹے لیٹ – (ایک خبر)
در اصل یہ ٹرین چھ گھنٹے بیفور ٹائم تھی – وزیر ریلوے کی وضاحت –

Comments

comments