Pakistan’s nuclear assets are not at risk – by Khalid Wasti

پاکستان کے ایٹمی اثاثے خطرے میں نہیں ہیں


×××× ————- پاکستان خطرے میں ہے –
جھوٹ ۔۔۔۔۔۔۔۔۔۔۔۔۔۔۔۔۔۔ فوج کی بالا دستی قائم رکھنے کے لیئے ، ملک کے ساٹھ فیصد سے زائد بجٹ کو اپنے تصرف میں لینے کے لیئے بولا جانے والا سفید جھوٹ –

×××× ————- اسلام خطرے میں ہے –
جھوٹ ۔۔۔۔۔۔۔۔۔۔۔۔۔۔۔۔۔۔ فوج کی ضروریات اور اس کے مقاصد کو پورا کرنے والا ایک مائینڈ سیٹ تیار کرنے کے لیئے مُلاں کا پھیلایا ہوا جھوٹ – جس کا عوضانہ مُلاں نے پاور سٹرکچر میں حصہ لینے اور معاشرے کے اندر ایک جھوٹے تقدس اور جعلی پاکبازی کا مقام پانے کی صورت میں حاصل کیا –

×××× ————- فلاں ، فلاں ، فلاں امریکہ ، اسرائیل اور ہندوستان کا ایجینٹ ہے امت ِ مسلمہ میں انتشار وافتراق پیدا کر نے کی سازشوں میں مصروف ہے –
جھوٹ ۔۔۔۔۔۔۔۔۔۔۔۔۔۔۔۔۔۔ اس پراپیگنڈا کا مقصد یہ ہے کہ مُلاں اپنی کارستانیوں پر پردہ ڈال سکے – سوال یہ ہے کہ ہندو اور یہودی اگر مسلمانوں کو فرقہ پرستی اور گروہ بندی کا شکار کرکے باہم بر سر پیکار
کرنا چاہتے ہیں تو مُلاں یہ فرائض پہلے سے سرانجام دے رہا ہے – اس لیئے اس ملک میں اگر کوئی اسرائیل یا ہندوستان کا ایجینٹ ہے تو وہ صرف مُلاں ہے –

×××× ————- ہم امریکہ کی جنگ لڑ رہے ہیں –
جھوٹ ۔۔۔۔۔۔۔۔۔۔۔۔۔۔۔۔۔۔ مُلاں کی طرف سے یہ پراپیگنڈہ رائے عامہ کو تقسیم کرنے کے لیئے کیا جاتا ہے تاکہ پوری قوم یکسوئی کے ساتھ دہشت گردوں کا خاتمہ کرنے والی طاقتوں کے شانہ بشانہ کھڑی نہ ہو سکے

سوال یہ ہے کہ پشاور ، لاہور اور کراچی میں جن بے گناہوں کا خون بہایا جارہا ہے کیا وہ سب امریکی شہری ہیں جن کی جانیں بچانے کے لیئے امریکہ ہماری سرحدوں پر آگیا اور اب ہم امریکہ کی
جنگ لڑ رہے ہیں؟

کیا معاملہ اس کے برعکس نہیں ہے، یعنی دہشت گردوں کے ہاتھوں ہلاک ہونے والے معصوم بچے ، مرد اور عورتیں پاکستانی شہری ہیں اور ان پاکستانی شہریوں کے جو دشمن ہیں وہ نہ تو مسلمان ہیں اور نہ ہی پاکستانی

کیا یہ ایک پیچیدہ بات ہے جو سمجھ میں نہ آسکے کہ ہمارے دشمن کو ختم کرنے کے لیئے جو ملک بھی ہماری مدد کرے درحقیقت وہ ہماری جنگ لڑ رہا ہے ، خصوصا ان حالات میں کہ نہ ہی وسائل اور نہ ہی تکنیک کے حوالے سے یہ ہمارے بس کا روگ ہے کہ ہم اُس عفریت پر قابو پاسکیں جسے ساٹھ سال تک مُلا ملٹری الائنس نے دودھ پلا پلا کر پروان چڑھایا


×××× ————- پاکستان کے ایٹمی اثاثے خطرے میں ہیں – امریکہ ان پر قبضہ کرنا چاہتا ہے –
جھوٹ ۔۔۔۔۔۔۔۔۔۔۔۔۔۔۔۔۔۔ یہ بھی مُلاں کا پھیلایا ہو ا جھوٹ ہے تاکہ حیلوں بہانوں سے در پردہ مُلائییت ، انتہا پسندی اور دہشت گردی کے حق میں ایک رائے عامہ تیار رکھی جائے جو نیٹو فورسز ، امریکی فوج اور پاکستان آرمی کے مشترکہ مشن کو ناکام کر سکے اور مُلاں کو ایک زندگی مل جائے ، جسے اس وقت اپنی موت نظر آرہی ہے

یقین جانئیے کہ پاکستان نہ کبھی کسی بیرونی خطرے میں تھا نہ ہے ، اسلام کبھی کسی بیرونی خطرے میں نہ تھا نہ ہے ، پاکستان کے ایٹمی اثاثے نہ کبھی خطرے میں تھے نہ ہیں – پاکستان کے لیئے ہمیشہ ایک ہی خطرہ رہا ہے اور وہ ہے مُلاں ۔۔۔۔۔۔۔۔۔۔۔۔ مُلاں جو قیام پاکستان کا مخالف تھا ، قائد اعظم کا دشمن تھا ، قائد اعظم کو کافر اعظم کہتا تھا ، قائد اعظم کی حکومت کو کافرانہ حکومت کہتا تھا ۔۔۔۔۔ تب بھی پاکستان کے لیئے خطرہ تھا اب بھی پاکستان کے لیئے خطرہ ہے – پاکستان کو بچانا ہے تو مُلاں اور مُلاں کی پھیلائی ہوئی مُلائییت کو صفحہءہستی سے مٹانا ہوگا – و آخرنا و دعونا ان الحمد للہ رب العالمین

Comments

comments

Latest Comments
  1. Akhtar
    -
  2. Farhan Q
    -
  3. Aamir Mughal
    -
  4. Aamir Mughal
    -
WordPress › Error

There has been a critical error on this website.

Learn more about troubleshooting WordPress.